Mɔgɔw kalan ni dusudiya ye

An ka dusudiya be yɛlɛma mɔgɔ wɛrɛw la. N’an be kuma ni dusudiya ye, mɔgɔw ka teli k’an lamɛn. O b’a yira fana ko an be min fɔra, o kɔrɔtanin lo. An bɔyɔrɔ mana kɛ min o min ye, wala an mana kɛ mɔgɔ sifa min ye, an be se ka kuma ni dusudiya ye (Ɔrɔm. 12:11). Cogo di do?

A fɔlɔ, miiri i ka kumaw nafa la. Ka “kibaru diman fɔ,” o ye nɛɛma lo ye i fɛ (Ɔrɔm. 10:15). A filanan, kibaro diiman be se k’i lamɛnbagaw nafa cogo min na, miiri o la. U mako gwɛlɛn b’a la k’i ka kumaw lamɛn (Ɔrɔm. 10:13, 14). A laban, kuma n’i dusu bɛɛ ye. A to i fari lamagacogo n’i ɲɛda cogoya k’a yira min b’i dusukun na. Nka o kɛ ni kɔnɔgwɛ ye.

VIDEWO NIN FILƐ: NINSƆNDIYA SƆRƆ N’I BE MƆGƆW KƐRA KRISTA KA KALANDENW YE—I KA WAAJULI KƐCOGO FISAYA: MƆGƆW KALAN NI DUSUDIYA YE. O KƆ, ƝININGALI NUNU JAABI:

• 

  Mun lo y’a to Rita tun tɛ koow kɛ ni dusudiya ye tugun ni Jade ye?

• 

  Mun lo ye Rita dɛmɛ a ka koow kɛ ni dusudiya ye kokura?

• 

  Mun na an ka ɲi k’an lamɛnbagaw ka jogo ɲumanw lo filɛ?

• N’an be koow kɛ ni dusudiya ye, o be se ka mun lo kɛ an ka Bibulu kalandenw ani mɔgɔ wɛrɛw la?