A yira ko i be hinɛ

Ka hinɛ mɔgɔ la, o kɔrɔ ko ka se k’a tigi ka miiriya n’a dusukunnakow faamu. O kɔrɔ ko fana ka se k’a lɔn a tigi mako be min na ani min kɔrɔtanin lo a ɲɛɛ kɔrɔ. N’an be hinɛ tɔɔw la, u ka teli k’o kɔrɔsi. N’an b’a fɛ sɔbɛ la ka tɔɔw dɛmɛ, o bena a to an be hinɛ u la. Jehova be mɔgɔw kanu ani a b’a janto u la. N’an b’a yira ko an be hinɛ mɔgɔw la waajuli la, an be Jehova lo ladegira ani o b’a to mɔgɔw b’a ɲini k’u magwɛrɛ a la.—Filip. 2:4.

Ka se k’a yira ko i be hinɛ sɔbɛ la, o be bɔ i dusukun lo la. O be ye i kumacogo, i ka kokɛcogow, i ɲɛda cogoya, i fari lamagacogo fɛ ani i be lamɛnni kɛ cogo min na. An b’a yira ko an be hinɛ mɔgɔ la, n’an b’an mako don a la sɔbɛ la. Min ka di a ye, i janto o la. I janto a ka lannakow ani a ka koow cogoya la fana. Ladili ɲumanw di a ma ani a dɛmɛ cogo tigitigi dɔ la. Nka kana a gwan a kun ko a ka yɛlɛmaniw kɛ. Ni mɔgɔw sɔnna an ka dɛmɛ na, o be dɔ fara an ka ninsɔndiya kan waajuli baara la.

VIDEWO NIN FILƐ: NINSƆNDIYA SƆRƆ N’I BE MƆGƆW KƐRA KRISTA KA KALANDENW YE—I KA WAAJULI KƐCOGO FISAYA: A YIRA KO I BE HINƐ KALANDEN NA. O KƆ, ƝININGALI NUNU JAABI:

• 

  Rita y’a yira cogo di ko a be hinɛ tuma min na Jade nana retari la?

• 

  Rita y’a yira cogo di ko a be hinɛ tuma min na Jade y’a fɔ a ye ko a tɛna se ka kalan kɛ sabu a hakili siginin tɛ?

• 

  Rita y’a yira cogo di ko a be hinɛ tuma min na Jade y’a fɔ a ye ko ale ka yɔrɔ ɲagamini lo?