I furuɲɔgɔn sugandi ni hakilitigiya ye

Solomani ye hakilintanyako kɛ a kɛtɔ ka musow furu minw be ngalon alaw bato (1 Mas. 11:1, 2;w18.07 18 § 7).

Solomani musow y’a hakili yɛlɛma dɔɔni dɔɔni fɔɔ a nana laban k’a yɔrɔ janya Jehova la (1 Mas. 11:3-6;w19.01 15 § 6).

Jehova dimina kosɔbɛ Solomani kɔrɔ (1 Mas. 11:9, 10;w18.07 19 § 9).

Ala ka Kuma be cɛgwanaw ni musogwanaw jija u ka furu “dannabaaw cɛma dɔrɔn.” (1 Kor. 7:39, Bible senuma). Nka hali ni mɔgɔ dɔ batizera, o t’a yira ko a bena kɛ furuɲɔgɔn ɲuman ye. Yala o tigi bena i dɛmɛ i ka to ka baara kɛ Jehova ye n’i dusu bɛɛ ye wa? Wagatiw tɛmɛtɔ, yala o tigi y’a yira ko a be Jehova kanu kosɔbɛ wa? Sanni i ka sɔn a tigi ma furu la, wagati ta k’a lɔn koɲuman fɔlɔ.