Furu ye furututuko lo ye

Kerecɛn minw be hɛɛrɛ la u ka furu kɔnɔ, u ka furu be bonya la Jehova kan ani o be olu yɛrɛ ninsɔndiya (Mariki 10:9). Ni kerecɛn b’a fɛ a ka furu ka sabati ani ka ninsɔndiya sɔrɔ a kɔnɔ, a ka ɲi ka basigi Bibulu ka sariyakolow kan koɲuman k’a ka furuɲɔgɔn sugandi.

A to i ka kanbeleya wala sunguruya wagati ka tɛmɛ fɔlɔ i ka sɔrɔ k’a ɲini ka teriya kɛ furu kama (1 Kor. 7:36). Tuma min na i furunin tɛ, i jija k’i ka jɛnɲɔgɔnya sabati ni Jehova ye ani k’a ɲini ka kɛ ni kerecɛn jogow ye. N’i y’o kɛ, i bena se ka dɔ fara i ka furu hɛɛrɛ kan.

Sanni i ka sɔn dɔ ma furu kama, wagati ta k’a lɔn o tigi ye mɔgɔ min ye tigitigi (1 Piyɛri 3:4). N’i be sigasigara koo dɔ kan, baro kɛ o koo la n’a tigi ye. I ko sigiɲɔgɔnya bɛɛ, furu kɔnɔ, i ka ɲi ka i furuɲɔgɔn nafa lo ɲini fɔlɔ (Filip. 2:3, 4). N’i be Bibulu ka sariyakolow sira tagama, n’i nana furu, o bena i dɛmɛ ka hɛɛrɛ sɔrɔ i ka furu kɔnɔ.

VIDEWO NIN FILƐ: K’I YƐRƐ LABƐN FURU KAMA—YƆRƆ 3NAN: ‘JATIMINƐ KƐ.’ O KƆ, ƝININGALI NUNU JAABI:

• O balimamuso ni Shane ka teriya tun be tagara bolo juman lo kan?

• Wagati tɛmɛtɔ, a ye mun lo kɔrɔsi Shane na?

• A bangebagaw y’a dɛmɛ cogo di ani a ye desizɔn ɲuman juman lo ta?