Yala i be baara ɲuman kɛra ni Bibulu kalangwɛ lamɛnta ye wa?

Bibulu kalangwɛ lamɛnta ye mun lo ye? O ye Traduction du monde nouveau bayɛlɛmani kura ka anrezistreman lo ye. U tora k’a bila an ka site kan dɔɔni dɔɔni kaan caaman na. O anrezistremanw labɛnna cogo nafaman jumanw na? O anrezistremanw kɔnɔ, mɔgɔ minw kofora Bibulu kɔnɔ, u kelen kelen bɛɛ be ni u kumakan ye. U ye kumadenw kalan ka gwɛ, ani u y’o kalan n’u dusu bɛɛ ye walisa an ka se ka Bibulu kɔnɔnakumaw faamu koɲuman.

Dɔw be nafa sɔrɔla Bibulu kalangwɛ lamɛnta la cogo di? Mɔgɔ caaman lo be to k’o Bibulu kalangwɛ lamɛn. O ka di u ye sabu min fɔra Bibulu kɔnɔ, n’u b’a kalan lamɛnna, a be i n’a fɔ u tun be yen o koow kɛwagati la. O anrezistremanw na, mɔgɔw kaanw be dan na dan na minkɛ, min sɛbɛra Bibulu kɔnɔ, u be se k’a faamu ka ɲɛ (Talenw 4:5). Mɔgɔ caaman y’a ye fana ko n’u be Bibulu kalangwɛ ka odiyo lamɛn, o be u hakili sigi ni haminankow b’u kan.—Zab. 94:19.

Ka Ala ka Kuma kalan lamɛn, o be se ka nɔɔ barikaman to an kan (2 Til. Kib. 34:19-21). N’o Bibulu kalangwɛ lamɛnta be sɔrɔ kaan dɔ la i be min mɛn, mun na i tɛ to k’o lamɛn?

VIDEWO NIN FILƐ: BIBU KALANGWƐ LAMƐNTA LABƐNCOGO— A YƆRƆ DENNIN DƆ. O KƆ, ƝININGALI NUNU JAABI:

Mun lo b’i kabakoya Bibulu kalangwɛ lamɛnta labɛncogo la?