I be se ka dɔ fara i ka denbayamɔgɔw ka ninsɔndiya kan

Jehova b’a fɛ denbayamɔgɔw ka ninsɔndiya (Zab. 127:3-5; Waaj. 9:9; 11:9). Nka, duniɲa nin ka gwɛlɛyaw ani an denbayamɔgɔw ka filiw be se k’an ka ninsɔndiya nagasi. Denbayamɔgɔ kelen kelen bɛɛ be se ka mun lo kɛ walisa dɔ ka fara u ka ninsɔndiya kan?

Furucɛ be bonya la a muso kan (1 Piyɛri 3:7). A be wagati kɛ n’a ye. A t’a ɲini a muso fɛ a ka koo dɔw kɛ a tɛ se minw na. A muso be min kɛ ale ni denbayamɔgɔw ye, a b’a waleɲuman lɔn o kosɔn (Kɔlɔs. 3:15). A b’a yira ko a b’a muso kanu ani a b’a tando.—Talenw 31:28, 31.

Furumuso be fɛɛrɛw ɲini walisa k’a cɛɛ dɛmɛ (Talenw 31:12). A b’a majigi a cɛɛ ye ani u be jɛn ka baara kɛ ɲɔgɔn fɛ (Kɔlɔs. 3:18). A be kuma a cɛɛ fɛ ni ɲumanya ye ani a b’a tɔgɔ ɲuman fɔ tɔɔw ye.—Talenw 31:26.

Bangebagaw be wagati kɛ n’u deenw ye (Deter. 6:6, 7). U b’a fɔ u deenw ye k’u b’u kanu (Mat. 3:17). N’u b’u deenw kolola, u b’o kɛ ni kanuya ani hakili ye.—Efɛz. 6:4.

Denmisɛnw b’u bangebagaw bonya ani u be mɛnni kɛ u fɛ (Talenw 23:22). U b’u kɔnɔko n’u dusukunnakow fɔ u bangebagaw ye. U be sɔn u bangebagaw ka kololi la ani u b’a yira k’u b’u bonya.—Talenw 19:20.

VIDEWO NIN FILƐ: I KA DENBAYA DƐMƐ KA NINSƆNDIYA SƆRƆ. O KƆ, ƝININGALI NIN JAABI:

Denbayamɔgɔ kelen kelen bɛɛ ye mun lo kɛ walisa ka denbaya dɛmɛ ka ninsɔndiya sɔrɔ?