Diinan mɔgɔkɔrɔ minw be baaraba kɛ Jehova sagokɛlaw nafa kama

Mɔgɔ minw be ni kuntigiya ye, mɔgɔ caaman tɛ ni miiriya ɲuman ye u koo la. Mun na do? Kabini tumajan, adamadenw y’a ta u ka kuntigiya ma k’u yɛrɛ dɔrɔn nafa lo ɲini (Mise 7:3). Ninsɔndiya lo k’a ye ko fɔrɔmasɔn dira diinan mɔgɔkɔrɔw ma walisa u ka tɛmɛ u ka kuntigiya fɛ ka Jehova sagokɛlaw dɛmɛ.—Ɛsit. 10:3; Mat. 20:25, 26.

Diinan mɔgɔkɔrɔw tɛ komi duniɲamɔgɔw ka kuntigiw. Diinan mɔgɔkɔrɔw b’a ɲini ka kɛ kɔrɔsibagaw ye sabu u be Jehova n’a sagokɛlaw kanu (Zan 21:16; 1 Piyɛri 5:1-3). Yezu ka ɲɛminɛli barika la, o cɛɛw be weleweledala kelen kelen bɛɛ dɛmɛ u k’a ye k’u ye Jehova ka denbaya mɔgɔ dɔ ye. U be weleweledala kelen kelen bɛɛ dɛmɛ fana u magwɛrɛnin ka to Jehova la. Ni balima dɔ man kɛnɛ wala ni balawoko cunna balima dɔ kan, diinan mɔgɔkɔrɔw tɛ sigasiga ka taga u jija Alako ta fan fɛ. N’i mako be dɛmɛ na, mun na i t’a bɔ i yɛrɛ la ka kuma i ka kafo ka diinan mɔgɔkɔrɔ dɔ fɛ?—Zaki 5:14.

VIDEWO NIN FILƐ: DIINAN MƆGƆKƆRƆ MINW B’U JANTO ALA KA SAGAKULU LA. O KƆ, ƝININGALI NUNU JAABI:

• Diinan mɔgɔkɔrɔw ka dɛmɛ ye Mariana nafa cogo di?

  I ka jaabili

• Diinan mɔgɔkɔrɔw ka dɛmɛ ye Elias nafa cogo di?

  I ka jaabili

• O balimaw ka koo y’a to i be diinan mɔgɔkɔrɔw ka baara jati cogo di?

  I ka jaabili