I be se ka kalan kɛ koo minw kan

Bibulusenw ɲɛfɔli minw be sɔrɔ gafe Guide de recherche pour les Témoins de Jéhovah kɔnɔ, yala i be nafa sɔrɔla o la wa?

O ɲɛfɔliw be se k’i dɛmɛ ka Ala ka Kuma sɛgɛsɛgɛ ka dunya. Min fɔra bibulusenw dɔ kɔnɔ, o ɲɛfɔliw be se k’a yira koow tun be cogo min na o wagati la, fɛɛn min kama o vɛrise sɛbɛra ani a ɲɛsinna tigi min ma. O ɲɛfɔliw be se fana ka kumaden dɔ wala kumasen tigitigi dɔw kɔrɔ fɔ.

N’i be bibulusenw dɔ kalanna BIBLOTƐKI ƐNTƐRƐNƐTI KAN wala JW Library^® kɔnɔ, i be se ka Guide de recherche ka ɲɛfɔliw sɔrɔ. Bibulu o Bibulu b’o yɔrɔ la, i be se k’o ɲɛfɔliw sɔrɔ kunnafoni wɛrɛw yɔrɔ la.

N’i b’o kunnafoniw lajɛra, i janto u bɔwagati la. Barokun minw bɔra a ma mɛɛn, olu lo be sɔrɔ sanfɛ. Barokun kɔrɔmanw be sɔrɔ jukɔrɔ yɔrɔ la. Tuma dɔw la, i be taga a sɔrɔ ɲɛfɔli minw kɛra o barokun kɔrɔw kɔnɔ, an ka faamuyali yɛlɛmana o koo la.

• Vɛrisew ɲɛfɔli minw be sɔrɔ gafe Guide de recherche kɔnɔ, i be sin k’u sɔrɔ BIBLOTƐKI ƐNTƐRƐNƐTI KAN.

• Walisa ka Guide de recherche ka kunnafoniw sɔrɔ JW Library kɔnɔ, o gafe telesarse. Ani segi k’a telesarse tuma o tuma ni yɛlɛmani donna a kɔnɔnakow la. Walisa k’a telesarse, vɛrise dɔ sugandi JW Library kɔnɔ ani taga kunnafoni wɛrɛw yɔrɔ la sanfɛ ani yɔrɔ nin digi: “télécharger.”