Barokun wɛrɛw, Kɔrɔsili Sangaso kɔnɔ

Weleweledala caaman b’u ka lajɛnw labɛn JW Library^® kɔnɔ. Ani a ka di u ye k’a ye ko o aplikasɔn be sin ka mɔgɔ ɲɛsin Kɔrɔsili Sangaso ka barokun kalantaw ma. Nka tuma caaman na, barokun wɛrɛw be yen fana Kɔrɔsili Sangaso kɔnɔ, minw be mɔgɔ nafa Alako ta fan fɛ. N’i be baara kɛra ni JW Library ye, i be se k’o barokunw sɔrɔ cogo di ani k’a to u k’i nafa?

• Kɔrɔsili Sangaso ka barokun kalanta kelen kelen bɛɛ jukɔrɔ, cɛtigɛ dɔ be yen ko: “À lire aussi.” O cɛtigɛ jukɔrɔ, yɔrɔ nin digi: “Autres articles dans ce numéro.” Zurunali kɔnɔnakow lajɛ. A kɔrɔsi ko barokun kalanta kelen kelen bɛɛ kofɔra yen ani u ka nimɔrɔw yirala. I b’a fɛ ka barokun wɛrɛ min kalan, o digi.

• JW Library daminɛyɔrɔ la, taga “Nouveautés” yɔrɔ la. Kɔrɔsili Sangaso kura mana bɔ, a telesarse. I ye min telesarse, o dayɛlɛ ani a kɔnɔnakow lajɛ. A ɲini ka nafa sɔrɔ barokun kelen kelen bɛɛ la.