Baara kɛcogo n’an ka site web ye

Barokun minw be to ka bɔ jw.org daminɛyɔrɔ la, u sɔrɔcogo

Barokun minw be to ka bɔ jw.org daminɛyɔrɔ la, an balima caaman be baara kɛ n’u ye waajuli la. I be se k’u ci nɔgɔman na e-mail wala sms sababu fɛ. Koo minw be kɛra duniɲa kɔnɔ sisan, tuma caaman na, o barokunw b’a yira fana o koow be Bibulu ka kiraya kumaw dafa cogo min na. Balimacɛ dɔ y’a sɛbɛ o barokunw koo la ko: “An mako b’o lo la jaatika ani u bɛnnin lo n’an ka waajuli kɛcogow ye sisan.”

Nka, barokun minw be bila jw.org daminɛyɔrɔ la, u tɛ to yen ka mɛɛn. O la, an be se k’u sɔrɔ cogo di? Yɔrɔ nunu digi jw.org kan: “Biblotɛki,” o kɔ “Barokun minw be to ka bɔ tuma o tuma” ani a laban “Barokun wɛrɛw.” Barokun minw tun bilara jw.org daminɛyɔrɔ la, u caaman be sɔrɔ yen. I be se k’o barokunw sɔrɔ fana JW Library^® kan.