Minw be jɛnɲɔgɔnya ɲuman kɛra ni Jehova ye, olu be desizɔn ɲumanw ta

Zɛnɛzi 25:29-34 kalan walisa k’a lɔn ni Ezawu ni Yakuba ye desizɔn ɲumanw ta.

Koo minw kɛra ka kɔn o maana ɲɛ ani a kɔ, tɛmɛ olu fɛ k’a ɲini ka dɔ lɔn tugun. Mun lo kɛra ka kɔn o maana ɲɛ? (Zɛnɛzi 25:20-28). Mun lo kɛra o maana kɔ?—Zɛnɛzi 27:1-46.

Tɛmɛ kunnafoni jɔnjɔn dɔw fɛ k’a ɲini ka dɔ lɔn tugun. O wagati la, dencɛ fɔlɔ tun ka kan ni mun ni mun lo ye ani a ka kunkanbaaraw tun ye jumanw ye?—Zɛnɛzi 18:18, 19; w10-F 5/1 13.

• Yala waajibi tun lo mɔgɔ ka kɛ dencɛ fɔlɔ ye walisa ka kɛ Masiya buruju dɔ ye wa?—w17.12 14-15.

I ye koo minw kalan, miiri o kan ani o sira tagama. Dencɛ fɔlɔ tun be ni nɛɛma minw ye, mun na o tun kɔrɔtanin lo Yakuba ɲɛɛ kɔrɔ ka tɛmɛ Ezawu kan? (Eburuw 12:16, 17; w03-F 10/15 28-29). Jehova tun be mun lo miiri Ezawu ni Yakuba koo la ani mun na? (Mal. 1:2, 3). Ezawu tun be se ka mun lo kɛ walisa ka desizɔn ɲumanw ta?

• I yɛrɛ ɲininga ko: “N’ be se k’a yira cogo di ko Jehova batoli kɔrɔtanin lo kosɔbɛ n’ ɲɛɛ kɔrɔ? Yala n’ be wagati latigɛ lɔgɔkun o lɔgɔkun Alakow kama, i n’a fɔ gwa kɔnɔ batoli wa?”