Segi kalan miiriya jɔnjɔnw kan

I ye fɛɛn min kalan sisan sisan, yala a ka gwɛlɛ i ma k’i hakili to o la wa? N’o lo, a lɔn ko o b’an kelen kelen bɛɛ sɔrɔ tuma dɔw la. I be se ka mun lo kɛ do? Segi kalan miiriya jɔnjɔnw kan.

Kalan kɛtɔ, to ka lɔ tuma dɔw la ka miiri kalan miiriya jɔnjɔnw kan. Minw tun bena ciden Pol ka lɛtɛrɛw kalan, a filɛ a y’olu dɛmɛ cogo min na k’o kɛ. A y’a fɔ ko: “An ye min bɛɛ fɔ ka tɛmɛ sisan, a kunba filɛ nin ye.” (Eburuw 8:1). O cogo la, a y’a lamɛnbagaw dɛmɛ k’a ka kuma kɔrɔ faamu ani k’a lɔn a ka miiriyaw be taga ɲɔgɔn fɛ cogo min na.

Kalan kɛnin kɔ, n’a sɔrɔ i be se ka miniti 10 ɲɔgɔn ta ka miiri kalan miiriya jɔnjɔnw kan. N’i hakili t’u la, i be se ka cɛtigɛw lajɛ wala ka dakun kelen kelen bɛɛ kumasen fɔlɔ kalan. O ben’i dɛmɛ k’i hakili to miiriya jɔnjɔnw la. N’i ye fɛɛn kura dɔ faamu, a ɲini k’o ɲɛfɔ i yɛrɛ kumacogo la. I kɛtɔ ka segi miiriya jɔnjɔnw kan, o ben’i dɛmɛ i k’i hakili to o kalan na ani i ben’a ye cogo min na i be se ka kalan ka miiriyaw sira tagama i ka ɲɛnamaya kɔnɔ.