Kalan sɔrɔ jaaw la

Jaa caaman b’an ka sɛbɛw kɔnɔ ani o jaaw b’an kalan koo kɔrɔtanin dɔw la. I be se ka mun lo kɛ walisa o jaaw k’i nafa?

• Sanni i ka barokun dɔ kalan, kɔn ka jaaw bɛɛ lajɛ. Misali la, n’i ye dumuni ɲuman dɔ ye, a dumu nege b’i minɛ. O cogo kelen na, jaaw be se ka barokun kalan nege don i la. O la, i yɛrɛ ɲininga ko: ‘Ne be mun le yera?’—Amɔsi 7:7, 8.

• N’i be barokun kalanna, miiri k’a filɛ jaaw donna kuun min kama. Ni jaaw ɲɛfɔli be yen, o kalan. I yɛrɛ ɲininga cogo min na jaaw ni dakunw be taga ɲɔgɔn fɛ. A filɛ i be kalan min sɔrɔ o jaaw koo la ani i be se k’o sira tagama cogo min na.

• N’i ye barokun kalan ka ban, tɛmɛ jaaw fɛ k’i hakili jigi miiriya kɔrɔtaninw na. I hakili jigi jaaw la ani u b’an kalan min na.

• Jaa minw be zurunali nin kɔnɔ, u lajɛ tugun ani an be kalan minw sɔrɔ u la, a filɛ n’i hakili b’o la.