Yezu ye ‘kanminɛli degi’

Yezu ye kanminɛli kɛ Jehova ye tuma bɛɛ (Zan 8:29). O la, mun na Bibulu b’a fɔ ko ‘a ye kanminɛli degi a ka tɔɔrɔkow de fɛ?’—Eburuw 5:8, Bible senuma.

Tuma min na Yezu tun be dugukolo kan, koo dɔw y’a sɔrɔ, min ɲɔgɔn tun ma deli k’a sɔrɔ sankolo la. Misali la, a bangebagaw tun be Jehova kanu kosɔbɛ, nga u tun dafanin tɛ (Luka 2:51). A tɔɔrɔla diinan kuntigi nanbaratɔw ni jamana kuntigi tilenbaliw bolo (Mat. 26:59; Mariki 15:15). Ka fara o kan, a tɔɔrɔla kosɔbɛ ka sɔrɔ ka sa. Bibulu b’a fɔ ko: “A sɔnna k’a yɛrɛ majigi ka Ala sago kɛ fɔɔ ka taga se saya ma.”—Filip. 2:8.

O sen fɛ, Yezu ye kanminɛli degi cogo wɛrɛ la tuma min na a tun be dugukolo kan. O la, a kɛra Masacɛ dafanin ni sarakalasebagaw kuntigiba ye min b’an faamu ka ɲɛ (Eburuw 4:15; 5:9). Yezu kɛtɔ ka kanminɛli degi a ka tɔɔrɔ sababu la, o y’a to a koo gwɛlɛyara Jehova ma ka tɛmɛ fɔlɔ kan. N’an fana ye mɛnni kɛ Jehova fɛ hali gwɛlɛyaw tuma na, an koo bena gwɛlɛya a ma ka tɛmɛ. Ani a be baara minw kalifa an ma, an bena se k’o dafa ka ɲɛ.—Zaki 1:4.