Jigi min b’aw la, aw ka ninsɔndiya o kosɔn

Jigiya be i n’a fɔ banamini (Eburuw 6:19). A b’an tanga makosa ma Alako ta fan fɛ ni gwɛlɛyaw cunna an kan i n’a fɔ fɔɲɔbaw (1 Tim. 1:18, 19). A be se ka kɛ jigitigɛ, bɔnɛ bololafɛnw ta fan fɛ, kɛnɛyakow, an ka mɔgɔ kanulen dɔ ka saya ye, wala koo o koo b’an ka kantigiya bila farati la.

Duga minw layidu tara an ye, limaniya ni jigiya b’an dɛmɛ k’an ɲɛɛ la o kan (2 Kor. 4:16-18; Eburuw 11:13, 26, 27). O la do, an jigi b’a la ka ɲɛnamaya kɛ sankolo la wala dugukolo kan wo, an ka ɲi ka dɔ fara o jigiya barika kan tuma bɛɛ. An b’o kɛ an kɛtɔ ka miiri Ala ka layiduw la, o minw be sɔrɔ a ka Kuma kɔnɔ. O cogo la, n’an be tɔɔrɔ kɔrɔbɔliw bolo, a tɛna gwɛlɛya an ma ka to ninsɔndiya la.—1 Piyɛri 1:6, 7.

VIDEWO NIN FILƐ: JIGI MIN B’AW LA, AW KA NINSƆNDIYA O KOSƆN. O KƆ ƝININGALI NUNU JAABI:

• Mun na Musa ye ɲɛyirali ɲuman ye an fɛ?

• Gwatigiw ka kunkanbaara ye juman lo ye?

• I be se ka baro jumanw lo labɛn gwa kɔnɔ batoli kama?

• Jigiya be se k’i dɛmɛ cogo di k’i hakili sigi ka kɔrɔbɔliw kɛlɛ?

• I kɔrɔtɔnin lo ka duga jumanw lo sɔrɔ?