KALANSEN 5

Kalangwɛ kɛcogo ɲuman

1 Timote 4:13

MIIRIYA JƆNJƆN: Min sɛbɛra, i k’o lo kalan tigitigi ni kaanba ye.

I yɛrɛ labɛn koɲuman: I bena min kalan, miiri k’a filɛ fɛɛn min kama o sɛbɛra. Kumaden minw be taga ɲɔgɔn fɛ, kana u kalan kelen kelen, nka i yɛrɛ degi k’u kalan ɲɔgɔn fɛ. Kana pan dɔw kan, kana dɔw kalan dɔ wɛrɛw nɔɔ na wala ka dɔw fɔ minw tɛ i ka sɛbɛ kan. N’i be kalangwɛ kɛra, i janto kɔriw, tomiw, ani tagamasiɲɛ wɛrɛw la.

A ɲini i teri dɔ fɛ a k’i lamɛn n’i be kalangwɛ kɛra ani i ma kumaden minw kalan ka ɲɛ, a k’u bɛɛ fɔ i ye.
Kumaden kelen kelen bɛɛ kalan ka ɲɛ: N’i t’a lɔn kumaden dɔ be kalan cogo min na, i be se ka filɛri kɛ daɲɛgafe dɔ kɔnɔ, ka gafe dɔ kalan lamɛn wala k’a ɲini kalankɛla ɲuman dɔ fɛ a k’i dɛmɛ.
Kuma ka gwɛ: I kuun kɔrɔta ani i daa yɛlɛ ka ɲɛ walisa ka se ka kumadenw kalan ka ɲɛ. I seko bɛɛ kɛ ka kanɲɛ kelen kelen bɛɛ fɔ ka gwɛ.

Kumadenw kalan ka gwɛ. Nka, kan’a dama tɛmɛ n’o tɛ a tɛna kɛ i yɛrɛ kumacogo ye tugun.