KALANSEN 11

Dusudiya

Ɔrɔmukaw 12:11, NW

MIIRIYA JƆNJƆN: Barika don i ka kumaw na walisa k’i lamɛnbagaw jija ani k’u lasun u ka dɔ kɛ dɔ ye.

A to i ka kalan ka diya e yɛrɛ ye kosɔbɛ: I ka kalan labɛntɔ, miiri koɲuman a nafa la. A ɲini k’i ka kalan lɔn ka ɲɛ walisa i ka se ka kuma n’i dusu bɛɛ ye.
Miiri i lamɛnbagaw koo la: I bena min kalan wala i bena mɔgɔw kalan min na, miiri k’a filɛ o bena u nafa cogo min na. Miiri k’a filɛ i bena o kalan kɛ cogo min na walisa a ka diya u ye kosɔbɛ.
Barika don i ka kumaw na: Kuma n’i dusu bɛɛ ye. A to i fari lamaga cogo ani i ɲɛda cogoya k’a yira min b’i dusukun na. Nka, o kɛ ni kɔnɔgwɛ ye.

I janto, kana to k’i fari yɔrɔ dɔw lamaga cogo kelen na tuma bɛɛ n’o tɛ o be se k’i lamɛnbaga bali u k’u hakili sigi k’i lamɛn. I fari lamaga ka kɛɲɛ n’i ka kumaw ye. Kuma ni dusudiya ye sanko n’i be hakilinata jɔnjɔnw bɔra kɛnɛ kan ani n’i b’i lamɛnbagaw jijara u ka dɔ kɛ dɔ ye. Kana kalan kɛ ni dusudiya ye kojugu i ka kalan kuru bɛɛ la n’o tɛ, o bena i lamɛnbagaw sɛgɛn.