YƆRƆ 14NAN

I be se ka kantigiya kɛ Jehova ye cogo di?

I ka tugu Ala kɔ. 1 Piyɛri 5:6-9

Kerecɛn dɔ be ban k’a niin don ngalon diinan ni politikikow la

Kana i seen don landa si la min ni Bibulu ka fɔta tɛ bɛn. I ka kan k’i jaa gwɛlɛya k’o kɛ.

Kana i seen don jamanaw ka politikikow la, u tɛ tugu Jehova n’a ka Masaya kɔ.

Sugandili ɲuman kɛ: Mɛnni kɛ Ala fɛ. Matiyo 7:24, 25

Cɛɛ dɔ be taga lajɛn na Masaya Boon na, ani a be bibulukalan kɛ ni Jehova Seere dɔ ye

Jɛn ni Jehova Seerew ye, u bena i dɛmɛ i k’i magwɛrɛ Ala la.

To k’a ɲini ka Ala lɔn ani i jija k’a ka cikanw labato.

Cɛɛ dɔ b’a yɛrɛkun di Jehova ma delili la, ani o kɔ a be batize

N’i ka limaniya ye barika sɔrɔ, i ka kan k’i yɛrɛkun di Jehova ma ani ka batize.—Matiyo 28:19.

Mɛnni kɛ Ala fɛ. Bibulu kalan ani a ɲini Jehova Seerew fɛ u k’i dɛmɛ k’a faamu. O kɔ, i be min kalanna, i k’o sira tagama. N’i y’o kɛ, i bena ɲɛnamaya kɛ fɔɔ abada.—Zaburuw 37:29.