YƆRƆ 9NAN

Alijɛnɛ bena kɛ tuma juman?

Bi gwɛlɛyaw b’a yira ko yanni dɔɔni Ala ka Masaya bena dugukolo kɛ alijɛnɛ ye. Luka 21:10, 11; 2 Timote 3:1-5

Gwɛlɛya minw be mɔgɔw kan laban loonw na: sobonli, marifakɛlɛ, banaw, kɔngɔ, denmisɛnw tɛ mɛnni kɛ u wolobagaw fɛ, fariyakow denbayaw kɔnɔ

Koo minw be kɛra bi, Bibulu tun kɔnna k’u caaman kofɔ. A tun ko mɔgɔw bena wari kanu, u tɛna mɛnni kɛ u wolobagaw fɛ, u bena kɛ mɔgɔ farimanw ye ani ɲɛnagwɛkow bena diya u ye.

Dugukolo yɛrɛyɛrɛbaw, marifakɛlɛw, kɔngɔbaw ani fɔɲɔbanaw tun bena kɛ fana. O koow be kɛra sisan yɛrɛ.

Jehova Seere dɔ be Masaya kibaro diiman fɔra cɛɛ dɔ ye

Ka fara o kan, Yezu tun ko Ala ka Masaya kibaro duman bena waaju dugukolo kuru bɛɛ kan.—Matiyo 24:14.

Ala ka Masaya bena juguya bɛɛ ban. 2 Piyɛri 3:13

Mɔgɔ juguw be halakira Arimagedɔn kɛlɛ la, o kɔ Sutana n’a ka jinaw ɲangira

Yanni dɔɔni, Jehova bena mɔgɔ juguw bɛɛ halaki.

Sutana ni jinaw bena ɲangi.

Yezu siginin b’a ka masasigilan kan ani siya caaman mɔgɔw be ɲagalila

Minw be mɛnni kɛ Ala fɛ olu bena kisi ka sigi duniɲa tilennin kɔnɔ, yɔrɔ min na siranya tɛna kɛ yen tugun, mɔgɔw bena la ɲɔgɔn na ani ka ɲɔgɔn kanu.