2 Samuel
22 Ndien David ada ikọ ikwọ+ emi etịn̄ ọnọ Jehovah ke usen emi Jehovah akanyan̄ade enye osio ke ubọk kpukpru mme asua+ esie ye ke ubọk Saul;+ 2 ndien enye ọdọhọ ete:
“Jehovah edi akwa itiat+ mi ye ọkpọsọn̄ ebiet+ mi ye Andinyan̄a mi.+
3 Abasi mi edi akwa itiat+ mi. Nyanam enye edi ebiet ubọhọ mi,
Otuekọn̄+ mi ye nnụk+ edinyan̄a mi, edikon̄ ebiet ubọhọ+ mi,
Ye ebiet udịbe+ mi, Andinyan̄a+ mi; afo amanyan̄a mi osio ke afai.+
4 Nyeseme n̄kot Jehovah, kpa Enye emi odotde itoro,+
Ndien enye ayanyan̄a mi osio mme asua mi ke ubọk.+
7 N̄kodu ke nnanenyịn mfiori n̄kot Jehovah,+
Nnyụn̄ nseme n̄kot Abasi mi.+
Ndien enye etie ke temple esie okop uyo mi,+
Eseme oro ami nsemede nyom un̄wam odụk enye utọn̄.+
8 Isọn̄ aduat onyụn̄ enyek;+
Se imụmde enyọn̄ ikama ẹnyụn̄ ẹnyek,+
Ndien mmọ ẹnyek koro ẹnamde esịt ayat enye.+
9 Nsụn̄ikan̄ oto enye ke ibuo ọwọrọ ọdọk, ikan̄ eke otode enye ke inua ọdọdiọn̄ ata n̄kpọ;+
Ukan̄ onyụn̄ oto enye obụbede asak.+
13 Uyama emi odude enye ke iso anam mbubek ikan̄ ẹbụbede ẹsak.+
16 Ndien ẹda ẹkụt isọn̄ mmọn̄,+
Ẹnyụn̄ ẹkụt se imụmde isọn̄ ikama,+
Ke nduari Jehovah, ọkpọsọn̄ ibifịk onyụn̄ ọwọrọde enye ke ibuo.+
18 Enye anyan̄a mi osio ke ubọk ọkpọsọn̄ asua,+
Anyan̄a osio ke ubọk mbon oro ẹsuade mi; koro mmọ ẹsọn̄de odudu ẹkan mi.+
22 Koro nsan̄ade ke usụn̄ Jehovah,+
Nnyụn̄ ndian̄akede n̄kpọn̄ Abasi mi, koro emi edide idiọk edinam.+
23 Koro kpukpru ubiereikpe+ esie ẹdude mi ke iso;
Ndien amaedi mme ewụhọ esie, ndiwọn̄ọkede n̄kpọn̄ mmọ.+
25 Yak Jehovah onyụn̄ ọnọ mi utịp nte ekemde ye edinen ido mi,+
Ọnọ mi utịp nte nsanade ke enyịn esie.+
27 Afo eyenịm idemfo ke edisana ye owo eke asanade,+
Oyonyụn̄ anam n̄kpọ nte edi nditen̄ ye owo eke akwan̄ade.+
28 Ndien afo ayanyan̄a mbon nsụhọdeidem;+
Edi enyịn fo asasua ndikụt mbon iseri, afo oyonyụn̄ osụhọde mmọ enịm.+
31 Ata Abasi, usụn̄ esie ọfọn ama;+
Ikọ Jehovah edi edisana.+
Abasi edi otuekọn̄ ọnọ kpukpru mbon oro ẹdade enye ke ebiet ubọhọ mmọ.+
33 Ata Abasi edi ọkpọsọn̄ ebiet ubọhọ mi,+
Ndien enye ayanam usụn̄ mi ọfọn ama,+
34 Anam ukot mi ebiet eke uman edop;+
Onyụn̄ anam mi ndọk nda ke edikọn̄ ebiet.+
38 Nyebịne mme asua mi man nsọhi mmọ mfep,
Ndinyụn̄ mfiakke edem tutu nsobo mmọ.+
39 Ndien nyosobo mmọ nnyụn̄ n̄kpok mmọ n̄ken̄e n̄ken̄e,+ mbak mmọ ẹdidaha ẹda;+
Mmọ ẹyenyụn̄ ẹduọn̄ọ ke idak ikpat mi.+
40 Ndien afo ayada odudu ekọn̄ ọbọbọ mi ke idem;+
Afo ayanam mbon oro ẹdahade ẹda ẹn̄wana ye ami ẹduọn̄ọ mi ke idak.+
44 Ndien afo ayanyan̄a mi osio ke ubọk ikọt mi, emi ẹdide mme okụt ndudue.+
Afo eyekpeme mi man ndi etubom mme idụt;+
Mbon emi mmemfiọkke ẹyenam n̄kpọ ẹnọ mi.+
46 Mbon esenidụt ẹyeyemede,
Mmọ ẹyenyụn̄ ẹnyek idem ẹto ke mme ibibene ukpeme mmọ ẹwọn̄ọ ẹdi.+
47 Jehovah ododu uwem;+ itoro enyene Akwa Itiat mi;+
Ndien yak ẹtoro Abasi kpa akwa itiat edinyan̄a mi.+
48 Ata Abasi edi Andisio usiene nnọ mi+
Enye emi osụhọrede mme idụt esịn mi ke idak,+
49 Enye emi osiode mi ke ubọk mme asua mi.+
Afo oyonyụn̄ emenede mi n̄kon̄ n̄kan mbon oro ẹdahade ẹda ẹn̄wana ye ami;+
Afo ayanyan̄a mi osio owo afai ke ubọk.+