Deuteronomy

31 Ndien Moses aka eketịn̄ ikọ emi ọnọ ofụri Israel 2 onyụn̄ ọdọhọ mmọ ete: “Ami mmesịm isua ikie ye edịp mfịn emi.+ Ndien owo idiyakke aba n̄wọrọ nnyụn̄ ndụk,+ koro Jehovah ọdọhọde mi ete, ‘Afo udubehe Jordan emi.’+ 3 Jehovah Abasi fo eyebem fi iso ebe.+ Enye oyosobo mme idụt emi ke iso fo, ndien afo eyebịn mmọ efep.+ Joshua edibem fi iso ebe,+ kpa nte Jehovah ọkọdọhọde. 4 Ndien Jehovah ayanam mmọ kpa nte enye akanamde Sihon+ ye Og,+ ndidem mme Amorite, ye isọn̄ mmọ, ke ini enye okosobode mmọ.+ 5 Jehovah omonyụn̄ ayak mmọ esịn mbufo ke ubọk,+ ndien mbufo ẹnyene ndinam ye mmọ nte ekemde ye kpukpru mme ewụhọ emi n̄wụkde mbufo.+ 6 Mbufo ẹnyene uko ẹnyụn̄ ẹkop odudu.+ Ẹkûfehe ndịk, ẹkûnyụn̄ ẹdịghe ke iso mmọ,+ koro Jehovah Abasi fo asan̄ade ye afo. Enye idikpọn̄ke fi, idinyụn̄ iduọkke fi tutu amama.”+

7 Ndien Moses okot Joshua onyụn̄ ọdọhọ enye ke iso ofụri Israel ete: “Nyene uko nyụn̄ kop odudu,+ koro afo ayada mbon emi odụk isọn̄ emi Jehovah ọkọn̄wọn̄ọde ọnọ mme ete ete mmọ ete iyọnọ mmọ, afo oyonyụn̄ ada enye ọnọ mmọ nte udeme.+ 8 Onyụn̄ edi Jehovah edibem fi iso asan̄a. Enye oyodu ye afo.+ Enye idikpọn̄ke fi, idinyụn̄ iduọkke fi tutu amama. Kûfehe ndịk, kûnyụn̄ uyak idem enyek fi.”+

9 Ndien Moses ewet ibet+ emi onyụn̄ emen ọnọ mme oku, nditọ Levi,+ emi ẹbiomde ekebe ediomi Jehovah,+ onyụn̄ ọnọ kpukpru mbiowo Israel. 10 Ndien Moses owụk mmọ, ete: “Ke utịt kpukpru isua itiaba, ke ini eke ẹnịmde ke isua uwọrọ-ufụn,+ ke usọrọ mme ataya,+ 11 ke ini ofụri Israel ẹdide ke iso Jehovah+ Abasi fo, ke ebiet emi enye edimekde,+ kot ibet emi ke iso ofụri Israel sịn mmọ ke utọn̄.+ 12 Bon kpukpru owo ọtọkiet,+ iren ye iban ye nditọwọn̄ ye esenowo fo emi odude ke obio fo, man mmọ ẹkpan̄ utọn̄, man mmọ ẹnyụn̄ ẹkpep n̄kpọ,+ ẹnyụn̄ ẹbak Jehovah Abasi mbufo+ ẹnyụn̄ ẹtịn̄ enyịn ẹnam kpukpru ikọ ibet emi. 13 Ndien nditọ mmọ emi mîfiọkke ẹnyene ndikpan̄ utọn̄,+ nnyụn̄ n̄kpep ndibak Jehovah Abasi mbufo ke ofụri ini emi mbufo ẹdidude ke isọn̄ emi mbufo ẹbede Jordan ẹka ndida nnyene.”+

14 Ekem Jehovah ọdọhọ Moses ete: “Sese! Usen n̄kpa fo emekpere.+ Kot Joshua edi, ndien mbufo ẹdi ẹdida ke tent usopidem, man mmek enye.”+ Ntre Moses ye Joshua ẹka ẹkeda ke tent usopidem.+ 15 Ndien Jehovah ọbiọn̄ọde ke tent ke adaha obubịt enyọn̄, ndien adaha obubịt enyọn̄ ada ke enyịnusụn̄ tent.+

16 Ndien Jehovah ọdọhọ Moses ete: “Sese! Afo ọmọn̄ osụhọde ana ye mme ete ete fo;+ ndien mbon emi ẹyedaha ke enyọn̄+ ẹkenyene oburobụt ebuana ye isen abasi idụt emi mmọ ẹkade,+ emi ẹdude ke otu mmọ, ẹyenyụn̄ ẹkpọn̄ mi,+ ẹnyụn̄ ẹbiat ediomi mi emi nnamde ye mmọ.+ 17 Ndien iyatesịt mi ayasak mmọ ke idem ke usen oro,+ ndien nyọkpọn̄ mmọ+ nnyụn̄ ndịp mmọ iso mi,+ ndien ẹyesobo mmọ; ediwak afanikọn̄ ye nnanenyịn ẹyenyụn̄ ẹsịm mmọ;+ ndien mmọ ẹyedọhọ ke usen oro ẹte, ‘Nte idịghe koro Abasi nnyịn mîdụhe ke otu nnyịn esịn afanikọn̄ emi esịm nnyịn?’+ 18 Ndien ami nditreke ndidịp iso mi ke usen oro ke ntak kpukpru idiọkn̄kpọ emi mmọ ẹnamde, koro mmọ ẹkabarede ẹtiene mme abasi efen.+

19 “Mbufo ẹwet ndien ikwọ emi+ ẹnọ idem mbufo ẹnyụn̄ ẹda enye ẹkpep nditọ Israel.+ Sịn enye ke inua mmọ man ikwọ emi edi ntiense mi aban̄a nditọ Israel.+ 20 Koro nyada mmọ ndụk ke isọn̄ emi n̄kọn̄wọn̄ọde nnọ mme ete ete mmọ,+ emi ọfiọrọde mmọn̄eba ye aranọkwọk,+ ndien mmọ ẹyedia+ ẹyụhọ ẹnyụn̄ ẹsehe+ ẹnyụn̄ ẹkabade ẹtiene mme abasi efen,+ ẹkenam n̄kpọ mmọ inyụn̄ ikponoke mi ẹnyụn̄ ẹbiat ediomi mi.+ 21 Ndien ama ekem ke ini ediwak afanikọn̄ ye nnanenyịn ẹdisịmde mmọ,+ ikwọ emi n̄ko ọyọbọrọ ke iso mmọ nte ntiense, koro enye inyeneke ndisop ke inua nditọ mmọ, koro mmọfiọk ekikere+ emi mmọ ẹkerede mfịn emi mbemiso ndade mmọ ndụk isọn̄ emi n̄kọn̄wọn̄ọde.”

22 Ntre Moses ewet ikwọ emi ke usen oro, man akpada enye ekpep nditọ Israel.+

23 Ndien enye emek Joshua eyen Nun+ onyụn̄ ọdọhọ ete: “Nyene uko nyụn̄ kop odudu,+ koro edi afo edida nditọ Israel odụk isọn̄ emi n̄kọn̄wọn̄ọde nnọ mmọ,+ ndien ami nyodu ye afo.”

24 Edikem ke ndondo oro Moses ewetde ikọ ibet emi esịn ke n̄wed ama,+ 25 Moses owụk nditọ Levi, emi ẹbiomde ekebe ediomi Jehovah,+ ete: 26 “Mbufo ẹda n̄wed ibet+ emi ẹkenịm ke n̄kan̄ ekebe+ ediomi Jehovah Abasi mbufo, ndien enye ayana do nte ntiense aban̄a fi.+ 27 Koro ami mmọfiọk nte afo ọsọn̄de ibuot+ onyụn̄ ọsọn̄de obotitọn̄.+ Edieke mbufo ẹsọn̄de ibuot ye Jehovah+ ntem ke adan̄aemi nsụk ndude uwem ye mbufo mfịn emi, n̄wan̄wadise ke mma n̄kpa! 28 Mbufo ẹkot kpukpru mbiowo mme esien mbufo ye ikpọ owo mbufo ẹnọ mi,+ ndien nyetịn̄ ikọ emi nsịn mmọ ke utọn̄, nnyụn̄ n̄wụk enyọn̄ ye isọn̄ nte ẹdi ntiense ẹban̄a mmọ.+ 29 Koro mmọfiọk nte ke mma n̄kpa mbufo iditreke ndinam se idade nsobo idi+ nnyụn̄ n̄wọn̄ọde n̄kpọn̄ usụn̄ emi n̄ketemede mbufo; ndien afanikọn̄+ eyesịm mbufo ke ini iso, koro mbufo ẹdinamde se idiọkde ke iso Jehovah ẹnyụn̄ ẹyat enye esịt ke utom ubọk mbufo.”+

30 Ndien Moses emen ikọ ikwọ emi etịn̄ ke utọn̄ ofụri esop Israel tutu mmọ ẹkụre:+