9 Ndien mbon udịbe ke ẹkedịbe ke esịt ubet n̄wan oro ẹbet,+ ndien n̄wan oro ọdọhọ enye ete: “Samson, mbon Philistia+ ẹmọn̄ ẹmụm fi!” Ndien enye esịbe esịp oro iba, kpa nte urụk emi ẹfiakde ke mfịbe esịbede iba ke ini ikan̄ otụkde enye.+ Ndien owo ifiọkke ebiet emi odudu esie odude.+

12 Mmọdo Delilah ada mbufa urụk ọbọp enye, onyụn̄ ọdọhọ ete: “Samson, mbon Philistia ẹmọn̄ ẹmụm fi!” Ofụri emi mbon udịbe ke ẹketie ke esịt ubet ẹbet.+ Ndien enye ekịbi mme urụk emi ke ubọk esie ẹfep nte urụk ọfọn̄.+

14 Ntem enye ada ọkpọhọ ekịm mmọ adian, onyụn̄ ọdọhọ enye ete: “Samson, mbon Philistia ẹmọn̄ ẹmụm fi!”+ Ntre enye edemede ke idap, afahade ọkpọhọ oro osio onyụn̄ osion̄o urụk ndidi oro.