7 Ndien Boaz adia onyụn̄ ọn̄wọn̄, esịt onyụn̄ enem enye.+ Ekem enye aka okosụhọde ana ekpere otu barley. Ekem Ruth asan̄a ndịbe ndịbe edifụhọde enye ukot osụhọde ana.

36 Ekem Abigail ọnyọn̄ ebịne Nabal, ndien sese, enye ke adia usọrọ ke ufọk esie nte usọrọ edidem;+ ndien esịt adat Nabal, enye onyụn̄ akpa mmịn+ etieti; Abigail inyụn̄ itịn̄ke baba n̄kpọ kiet inọ enye, edide ekpri m̀mê akamba, tutu eyo esiere.

10 Ke ọyọhọ usen itiaba, ke ini wine anamde esịt adat edidem,+ enye ọdọhọ Mehuman, Biztha, Harbona,+ Bigtha ye Abagtha, Zethar ye Carkas, kpa owo itiaba emi ẹdide mme adaidaha ke okụre ẹnyụn̄ ẹsan̄ade utom+ ẹnọ Edidem Ahasuerus,

3 Ami nda esịt mi ndụn̄ọde ke ndinọ obụkidem mi wine man okop inemesịt,+ ke adan̄aemi ọniọn̄ adade esịt mi usụn̄,+ nnyụn̄ mmụm ebiọ n̄kama tutu n̄kụt ufọn emi nditọ owo ẹnyenede ẹto se mmọ ẹnamde ke idak ikpaenyọn̄ ke ofụri usen uwem mmọ.+

19 Udia anam mme anamutom ẹsak imam, wine onyụn̄ anam uwem enem;+ edi okụk anam ẹnyene kpukpru se ẹyomde.+