47 Uyo Jehovah emi ekesịm prọfet Jeremiah aban̄a mbon Philistia+ mbemiso Pharaoh osobode Gaza.+

16 mmọdo ntem ke Jehovah Akakan Ọbọn̄ Andikara ọdọhọ ete: “Sese ami mmọn̄ nnyanade ubọk mi mmia mbon Philistia,+ nyonyụn̄ nsịbe mme Cherethite+ mfep nnyụn̄ nsobo mbon eken oro ẹsụhọde ke mbeninyan̄.+

4 “Ndien, n̄ko, nsan̄a nso ye mbufo, O Tyre ye Sidon+ ye kpukpru mbufo mbon ikpehe Philistia?+ Nte utịp emi mbufo ẹnọde mi edi emi? Ndien edieke edide utịp emi mbufo ẹnọde mi edi emi, nyawara nsio mbufo usiene ke se mbufo ẹnamde.+

6 “Ntem ke Jehovah ọdọhọ ete, ‘“Ke ntak emi Gaza ọsọn̄de ibuot utịm ikata,+ ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi mmọ ẹtan̄de mme owo ẹka ntan̄mfep+ man ẹkeyak kpukpru mmọ ẹsịn Edom ke ubọk.+

4 Koro, amaedi Gaza, enye ayakabade edi obio eke ẹwọrọde ẹkpọn̄;+ Ashkelon oyonyụn̄ ana ndon.+ Amaedi Ashdod,+ mmọ ẹyebịn enye ẹfep ke ufọt uwemeyo;+ onyụn̄ edi Ekron, ẹyedịbede enye ẹfep.+

5 Ashkelon oyokụt onyụn̄ okop ndịk; ndien amaedi Gaza, enye n̄ko oyokop ọkpọsọn̄ ubiak; Ekron+ n̄ko, koro se enye okodoride enyịn+ ayadia bụt. Ndien edidem ayatak ke Gaza, owo idinyụn̄ idụn̄ke ke Ashkelon.+