9 Ndien Jehovah ayat esịt+ ye Solomon, koro esịt esie ọkọwọn̄ọrede ọkpọn̄ Jehovah Abasi Israel,+ kpa enye emi okowụtde enye idem utịm ikaba.+

26 Edi, Jehovah ikọwọn̄ọkede ikan̄-ikan̄ iyatesịt esie ifep, emi enye akayatde ye Judah+ kaban̄a kpukpru n̄kpọ iyatesịt emi Manasseh ekesịnde mmọ ẹnam ndiyat enye esịt.+

13 Ntem Saul akpa ke ntak unana edinam akpanikọ esie koro enye mîkọbuọtke+ idem ye Jehovah ke nditre ndinịm ikọ Jehovah okonyụn̄ akade okobụp obụp ekpo.+

7 Toto ke eyo mme ete ete nnyịn,+ nnyịn imenyene akwa ubiomikpe tutu esịm mfịn emi;+ ndien ke ntak mme ndudue nnyịn ẹmeyak nnyịn, ndidem+ nnyịn ye mme oku+ nnyịn, ẹsịn ke ubọk ndidem mme idụt emi ẹkamade akan̄kan̄,+ emi ẹdade nnyịn ẹka ntan̄mfep+ ẹnyụn̄ ẹbụmede+ nnyịn, ẹnyụn̄ ẹnamde nnyịn ikop bụt,+ kpa nte edide mfịn emi.

4 Ndien ami nyanam mmọ ẹdi n̄kpọ nnyekidem ke kpukpru mme obio ubọn̄ isọn̄+ ke ntak Manasseh eyen Hezekiah, edidem Judah, ke se enye akanamde ke Jerusalem.+