7 Edi Jehovah ọdọhọ Samuel ete: “Kûse nte enye eyede ye nte enye okon̄de ke idaha,+ koro mmesịn enye. Koro Abasi mîsehe nte owo esede,+ koro owo ese se enye okụtde ke enyịn;+ edi Jehovah ese esịt.”+

9 “Ndien afo, Solomon eyen mi, fiọk+ Abasi usọ nyụn̄ nam n̄kpọ+ esie ke ofụri esịt+ ye ofụri ukpọn̄ ke idatesịt;+ koro Jehovah odụn̄ọrede kpukpru esịt,+ enye onyụn̄ ọfiọk kpukpru ekikere esịt owo.+ Edieke afo oyomde enye, enye ayayak fi okụt enye;+ edi edieke afo ọkpọn̄de enye,+ enye oyotop fi ọduọk ke nsinsi.+

20 Jehovah ese mbon oro esịt mmọ akwan̄ade ke mbubiam,+ edi mbon oro usụn̄ mmọ mînyeneke nduduọhọ ẹnem enye esịt.+

10 Ami Jehovah ndụn̄ọde esịt,+ nnyụn̄ ndụn̄ọde ekpụt,+ man nnọ owo kiet kiet nte ekemde ye usụn̄ esie,+ nte ekemde ye utịp utom esie.+

12 O Jehovah mme udịm, edi afo odụn̄ọde edinen owo;+ afo omokụt mme ekpụt ye esịt.+ Ami n̄kpakam n̄kụt usiene emi afo osiode mmọ,+ koro edi afo ke nyarade ikpe mi nnọ.+

23 Ndien nyada udọn̄ọ n̄kpa n̄wot nditọ esie, man kpukpru esop ẹfiọk ẹte ke ami ndi enye emi odụn̄ọrede ekpụt ye esịt, nyonyụn̄ nnọ mbufo owo kiet kiet nte ekemde ye mme edinam mbufo.+