-
Psalm 22:ikọ enyọn̄ ibuotn̄wed-31Edisana N̄wed Abasi—Edikabade Eke Obufa Ererimbot
-
-
Ẹnọ adausụn̄ ke ikwọ Uman Edop Usiere. Ikwọ David.
22 Abasi mi, Abasi mi, ntak emi afo ọkpọn̄de mi?+
Ntak emi afo adade nsannsan mûnyan̄ake mi,+
Mûnyụn̄ ukopke uyo mfiori mi?+
8 “Enye akayak idemesie ọnọ Jehovah.+ Yak Enye anyan̄a enye!+
Yak enye anyan̄a enye, koro amade enye!”+
9 Koro afo edi Enye emi okodụride mi osio ke idịbi,+
Enye emi akanamde mi mbuọt idem ke adan̄aemi nsụk n̄wapde eba eka mi.+
14 Ẹmen̄wan̄a mi ẹduọk nte mmọn̄,+
Kpukpru ọkpọ mi ẹnyụn̄ ẹdian̄ade ẹkpọn̄ kiet eken.+
Esịt mi amakabade etie nte obukpa ọkwọk;+
Atara osụhọde ọdọn̄ọ mi esịtidem.+
15 Odudu mi amasat nte ubak usiọn̄,+
Edeme mi onyụn̄ adiana mi ke nsịn̄;+
Afo omonyụn̄ esịn mi ke ntan n̄kpa.+
16 Koro mme ebua ẹmekan mi ẹkụk;+
Otu mme anamidiọk ẹmekan mi ẹkụk.+
Mmọ ẹyịre mi ke ubọk ye ke ukot nte ekpe.+
23 Mbufo mme andibak Jehovah, ẹtoro enye!+
Kpukpru mbufo mfri Jacob, ẹnọ enye ubọn̄!+
Ẹnyụn̄ ẹkop ndịk ẹban̄a enye, kpukpru mbufo mfri Israel.+
24 Koro enye mîsịnke ukụt owo ukụt ke ndek+
Mînyụn̄ isuaha ukụt esie;+
Inyụn̄ idịpke enye iso esie,+
Enye onyụn̄ okop ke ini enye esemede ọnọ enye oyom un̄wam.+
26 Mbon nsụkidem ẹyedia ẹyụhọ;+
Mbon oro ẹyomde Jehovah ẹyetoro enye.+
Esịt mbufo akpakam odu uwem ke nsinsi.+
27 Kpukpru owo ke isọn̄ ẹyeti ẹnyụn̄ ẹfiak ẹtiene Jehovah.+
Kpukpru ubon mme idụt ẹyenyụn̄ ẹnụhọ ẹnọ fi.+
-
-
Isaiah 53:1-12Edisana N̄wed Abasi—Edikabade Eke Obufa Ererimbot
-
-
53 Anie ọkọbuọt idem ke mme n̄kpọ oro nnyịn ikokopde?+ Ndien amaedi ubọk Jehovah,+ ẹkeyarade enye ẹnọ mmanie?+ 2 Enye eyetịbe nte n̄kọk+ ke iso owo, ye nte orụn̄ ke edisat isọn̄. Enye iyehe idem inyụn̄ iyehe uyai;+ ndien ke ini nnyịn idikụtde enye, nte enye etiede iyehe man nnyịn ikpoyom enye.+
3 Ẹma ẹsịn enye ke ndek, mme owo ẹnyụn̄ ẹsọn enye,+ enye edi owo emi ekemehede ye ubiak ye udọn̄ọ.+ Ndien eketie nte n̄kpọ eke enye edịpde nnyịn iso esie.+ Ẹma ẹsịn enye ke ndek, nnyịn ikonyụn̄ idaha enye ke n̄kpọ.+ 4 Ke akpanikọ, enye ama emen mme udọn̄ọ nnyịn obiom;+ enye ama onyụn̄ emen ubiak nnyịn obiom.+ Edi nnyịn ikada nte ke Abasi ọkọtọ enye udọn̄ọ,+ amia enye+ onyụn̄ anam enye okụt ukụt.+ 5 Edi ẹkekịm enye+ ke ntak ubiatibet nnyịn;+ ẹnuak enye ke ntak mme ndudue nnyịn.+ Ufen oro ẹkpenọde nnyịn okodoro enye ke idem man nnyịn inyene emem,+ ndien ẹmekọk nnyịn+ ke ntak mme unan esie.+ 6 Kpukpru nnyịn imoyo isan̄a nte erọn̄;+ nnyịn owo kiet kiet ima iwọn̄ọde idụk usụn̄ idem nnyịn; ndien Jehovah emen ndudue kpukpru nnyịn odori owo oro ke idem.+ 7 Ẹma ẹnen̄ede ẹfịk enye,+ enye onyụn̄ ayak ẹtụhọde imọ;+ edi enye itatke inua esie. Ẹda enye ẹka nte erọn̄ eke ẹdade ẹka ndiwot;+ ndien kpa nte uman erọn̄ eke mîsioroke uyo ke iso mme andifat enye idet, enye n̄ko itatke inua esie.+
8 Ẹmen enye ẹfep ke ntak mfaraidem ye ke ntak ikpe;+ ndien anie edidọn̄ enyịn ke ọyọhọ mbụk emana esie?+ Koro ẹsịbede enye ẹfep+ ke isọn̄ mme odu-uwem.+ Ẹwot+ enye ke ntak ubiatibet+ ikọt mi. 9 Ndien enye eyenịm udi esie ye mme idiọkowo,+ ye mbon inyene ke n̄kpa esie,+ kpa ye oro enye mîkanamke afai ndomokiet,+ abian̄a mîkonyụn̄ idụhe enye ke inua.+
10 Edi Jehovah adat esịt ndinuak enye;+ enye anam enye ọdọn̄ọ.+ Edieke afo edinịmde ukpọn̄ esie nte uwa ubiomikpe,+ enye oyokụt nditọ esie,+ enye ayanam usen esie ebịghi,+ ndien se Jehovah amade+ oyokụt unen+ ke ubọk esie. 11 Ke ntak oro ukpọn̄ esie okụtde ndutụhọ enye oyokụt nti n̄kpọ,+ enye oyokop uyụhọ.+ Edinen owo, kpa asan̄autom mi,+ ayada ifiọk esie anam ediwak owo ẹnyene edinen idaha;+ enye oyonyụn̄ obiom mme ndudue mmọ.+ 12 Mmọdo ami nyọnọ enye udeme ke otu ediwak owo,+ ndien enye eyetie ye n̄kpọsọn̄ owo edeme mbụme,+ koro enye akan̄wan̄ade ukpọn̄ esie ọnọ n̄kpa,+ ẹkenyụn̄ ẹbatde enye ẹsịn ke otu mme abiatibet;+ enye ama onyụn̄ obiom idiọkn̄kpọ ediwak owo,+ enye okonyụn̄ edi esịne-ufọt ọnọ mme abiatibet.+
-