14 Mmọdo Jehovah ọyọnọ mbufo idiọn̄ọ: Sese! Eyenan̄wan+ oyoyomo+ onyụn̄ aman eyeneren,+ ndien enye oyosio enye enyịn̄ Immanuel.

6 Koro eyen amana ọnọ nnyịn,+ ẹnọ nnyịn eyeneren;+ ndien ubọn̄ oyodoro enye ke afara.+ Ẹyenyụn̄ ẹsio enye enyịn̄ Utịbe Ọnọitem,+ Ọkpọsọn̄ Abasi,+ Nsinsi Ete,+ Ọbọn̄ Emem.+

5 “Sese! Mme usen ke ẹdi,” uyo Jehovah edi emi, “ndien ami nyanam edinen nsehe+ adaha ada ọnọ David. Ndien edidem ayakara+ onyụn̄ ada mbufiọk anam n̄kpọ, ekpe unenikpe onyụn̄ anam edinen ido ke isọn̄.+

23 Ndien ami nyanam ekpemerọn̄+ kiet adaha ada ọnọ mmọ, enye oyonyụn̄ ọbọk mmọ, ih, David asan̄autom mi.+ Enye ọyọbọk mmọ, enye oyonyụn̄ akabade edi andikpeme mmọ.+

24 “Ẹbiere urua ata ye duop ẹnịm ẹnọ orụk fo+ ye edisana obio+ fo, man ẹnam ubiatibet etre,+ ẹnyụn̄ ẹmen idiọkn̄kpọ ẹfep,+ ẹnyụn̄ ẹsio isop ndudue,+ ẹnyụn̄ ẹda edinen ido ẹdi ke nsinsi,+ ẹnyụn̄ ẹfịk ufịkn̄kpọ+ ke n̄kukụt ye ke ntịn̄nnịm ikọ, ẹnyụn̄ ẹda aran ẹyet Ata Edisana.+

2 “Ndien afo, O Bethlehem Ephrathah,+ emi ekpride akaha ndidu ke otu ediwak tọsịn obio Judah,+ owo oyoto fi+ ke esịt ọwọrọ ọnọ mi, emi edidide andikara ke Israel,+ emi ntọn̄ọ esie edide toto ke eset, ko ke ata anyan ini.+

3 “Sese! Mmosio isụn̄utom mi ndọn̄,+ enye oyonyụn̄ ọdiọn̄ usụn̄ mbemiso ami ndide.+ Ndien ata Ọbọn̄+ emi mbufo ẹyomde, eyedi temple+ Esie ke mbuari, ye isụn̄utom+ ediomi+ emi adatde mbufo esịt.+ Sese! Enye iditreke ndidi,” Jehovah mme udịm ọdọhọ.+

45 Philip okụt Nathanael+ onyụn̄ ọdọhọ enye ete: “Nnyịn imokụt enye emi Moses ye mme Prọfet+ ẹkewetde ẹban̄a ke Ibet,+ kpa Jesus, eyen Joseph,+ emi otode Nazareth.”

43 Kpukpru mme prọfet ẹketie ntiense ẹban̄a enye,+ ẹte owo ekededi eke ọbuọtde idem ye enye ọyọbọ edifen mme idiọkn̄kpọ ebe ke enyịn̄ esie.”+

22 Nte ededi, sia mbọde un̄wam+ emi otode Abasi, mmaka iso ntịn̄ ikọ ntiense nnọ n̄kpri ye ikpọ tutu esịm mfịn emi, edi ntịn̄ke n̄kpọ ndomokiet ke mîbọhọke mme n̄kpọ emi mme Prọfet+ ọkọrọ ye Moses+ ẹkedọhọde ẹte ẹyeda itie,