Mme Psalm
Ẹnọ adausụn̄ ke Jeduthun. Ikwọ David.
2 Ke akpanikọ enye edi akwa itiat mi ye edinyan̄a mi, kpa edikon̄ ebiet ubọhọ mi;+
Ndisehekede n̄kaha.+
3 Adan̄a didie ke mbufo ẹdin̄wana ye owo emi mbufo ẹdiwotde?+
Kpukpru mbufo ẹbiet ibibene emi efeberede, kpa ibibene itiat emi ẹberide.+
4 Ke akpanikọ mmọ ẹnọ item man ẹtap owo ẹkpọn̄ uku esie;+
Mmọ ẹma nsu.+
Mmọ ẹda inua mmọ ẹdiọn̄, edi ẹsụn̄i ke esịt mmọ.+ Selah.
8 Mbufo ẹbuọt idem ye enye kpukpru ini.+
Ẹn̄wan̄a esịt mbufo ẹnọ enye.+
Abasi edi ebiet ubọhọ nnyịn.+ Selah.
9 Ke akpanikọ nditọ owo ẹdi ibifịk,+
Nditọ owo ẹdi abian̄a.+
Ke ini ẹdoride mmọ ke udomon̄kpọ, kpukpru mmọ ẹfere ẹkan ibifịk.+