Ikwọ David.
29 O mbufo nditọ n̄kpọsọn̄ owo, ẹnọ Jehovah,
Ẹnọ Jehovah ubọn̄, ẹtan̄a odudu esie.+
2 Ẹnọ Jehovah ubọn̄ enyịn̄ esie.+
Ẹsịne edisana edisịnen̄kpọ ẹnụhọ ẹnọ Jehovah.+
3 Uyo Jehovah odu ke enyọn̄ mmọn̄;+
Ubọn̄ ubọn̄ Abasi+ osioro uyo nte obuma.+
Jehovah ada ke enyọn̄ ediwak mmọn̄.+
4 Uyo Jehovah edi ọkpọsọn̄;+
Uyo Jehovah edi utịbe.+
5 Uyo Jehovah amasiak mme eto cedar;
Ih, Jehovah asiak mme eto cedar Lebanon mbai mbai,+
6 Enye onyụn̄ anam mmọ ẹfrọ nte eyen enan̄,+
Lebanon ye Sirion+ ẹfrọ nte nditọ editịm.
7 Uyo Jehovah asiaha edemeikan̄;+
8 Uyo Jehovah anam wilderness enyek,+
Jehovah anam wilderness Kadesh+ enyek.
9 Uyo Jehovah anam uman otụk mme uman edop+
Onyụn̄ ofụhọde mme akai.+
Ndien kpukpru owo ke temple esie ẹdọhọ ẹte: “Ubọn̄!”+
10 Jehovah etie ke ukwọ;+
Jehovah onyụn̄ osụhọde etie nte edidem ke nsinsi.+
11 Jehovah ọyọnọ ikọt esie odudu.+
Jehovah ayada emem ọdiọn̄ ikọt esie.+