Job
12 Ndien Job ọbọrọ onyụn̄ ọdọhọ ete:
2 “Ke akpanikọ mbufo ẹdi mme owo,
Ndien ọniọn̄ ayakpa ye mbufo!+
3 Ami n̄ko mmenyene esịt+ kpa nte mbufo ẹnyenede.
Ami nsụhọkede n̄kan mbufo,+
Ndien anie mîfiọkke mme utọ n̄kpọ ntem?
4 Ami mmakabade ndi n̄kpọ nsahi nnọ ekemmọ owo,+
N̄kabade ndi owo emi okotde Abasi ete enye eyere imọ.+
Owo emi edide n̄kpọ nsahi edi edinen owo emi mînyeneke nduduọhọ.
6 Mfịna idụhe ke mme tent mbon n̄wo,+
Mbon emi ẹnyụn̄ ẹnamde esịt ayat Abasi ẹnyene ifụre
Kpa ntre ye owo eke adade abasi ke ubọk esie edi.+
7 Edi, mbọk, bụp mme ufene, ndien mmọ ẹyeteme fi;+
Bụp n̄ko mme edibotn̄kpọ eke ẹfede ke enyọn̄, ndien mmọ ẹyesian fi.+
8 Mîdịghe nyene udọn̄ ke isọn̄,+ ndien enye eyeteme fi;
Mme iyak ke mmọn̄+ ẹyenyụn̄ ẹtan̄a enye ẹnọ fi.
9 Anie ke otu mmọ emi mîtịmke ifiọk
Nte ke ubọk Jehovah akanam emi,+
10 Enye emi ukpọn̄+ kpukpru se idude uwem ẹdude enye ke ubọk
Ye ibifịk uwem ofụri obụkidem?+
12 Nte ọniọn̄ idụhe ye mbonusọn̄+
Nte ifiọk inyụn̄ idụhe ye mmọ eke ẹdude ediwak usen?
16 Enye enyene odudu ye ata ọniọn̄;+
Owo eke anamde ndudue ye owo eke otụnde owo usụn̄ ẹnyene enye;+
17 Enye anam mme ọnọitem ẹsan̄a ukpọk ikpat,+
Onyụn̄ anam mme ebiereikpe ẹdama idat.
18 Enye atat n̄kpọkọbi ndidem,+
Onyụn̄ ọbọp mmọ n̄kpaha ke isịn.
19 Enye anam mme oku ẹsan̄a ukpọk ikpat,+
Onyụn̄ onụk mmọ eke ẹsọn̄ọde ẹtie ọduọk;+
20 Enye ekịbi mbon emi ẹnamde akpanikọ inua,
Onyụn̄ ọbọ n̄kani iren eti ibuot;
21 Enye an̄wan̄a bụt ofụk mbọn̄,+
Onyụn̄ anam mbọbọ n̄kpọsọn̄ owo ọwọk;
22 Enye ayarade mme ntotụn̄ọ n̄kpọ emi ẹdude ke ekịm,+
Onyụn̄ anam un̄wana ayama ke n̄kịmn̄kịm ebiet;
23 Anam mme idụt ẹkọri ẹkponi, man enye okposobo mmọ;+
Anam mme idụt ẹtara, man enye akpatan̄ mmọ efep;
24 Ọbọ mme etubom mme idụt ikike,
Man enye akpanam mmọ ẹyo ke ukpọk ebiet,+ emi usụn̄ ndomokiet mîdụhe.