Ikwọ Mmọ emi Ẹdọkde.
132 O Jehovah, ti David+
Ke kpukpru esuene esie;+
2 Nte enye ọkọn̄wọn̄ọde ọnọ Jehovah,+
Nte enye akakan̄ade akan̄a ọnọ Ọkpọsọn̄ Abasi+ Jacob,+ ete:
3 “Ndidụkke tent mi.+
Ndidọkke ediye bed mi,+
4 Ndinọhọ enyịn mi idap,+
Ndinyụn̄ nyakke nyayama enyịn mi eyet idap,+
5 Tutu ami n̄kụt ebiet nnọ Jehovah,+
N̄kụt akwa tent utuakibuot nnọ Ọkpọsọn̄ Abasi Jacob.”+
6 Sese! Nnyịn imokop emi ke Ephrathah,+
Nnyịn imokụt emi ke akai.+
7 Ẹyak nnyịn idụk akwa tent utuakibuot esie;+
Ẹyak nnyịn inụhọ ke udoriukot esie.+
8 Daha ke enyọn̄, O Jehovah, ka ebiet nduọkodudu fo,+
Afo ye Ekebe+ odudu fo.+
9 Yak mme oku fo ẹsịne edinen ido ke idem,+
Yak mbon oro ẹsọn̄ọde ẹda ye afo ẹnyụn̄ ẹsio n̄kpo idara.+
10 Kûwọn̄ọde iso enye emi afo eyetde aran ufep,+
Ke ntak asan̄autom fo David.+
11 Jehovah ọmọn̄wọn̄ọ ọnọ David+
Enye iditreke ndinam se enye ọn̄wọn̄ọde ete:+
“Nyodori mfri emi otode fi idem+
Ke ebekpo fo.+
12 Edieke nditọ fo ẹdinịmde ediomi mi+
Ye ikọ ntiense oro ndikpepde mmọ,+
Nditọ mmọ n̄ko ẹyetie+
Ke ebekpo fo ke nsinsi.”+
13 Koro Jehovah emekde Zion;+
Ọdọn̄ enye ndidụn̄ do nte ebietidụn̄ esie:+
14 “Ebiet nduọkodudu mi edi oro ke nsinsi;+
Do ke ami ndidụn̄, koro enye ọdọn̄de mi.+
15 Nditreke ndidiọn̄ udia esie.+
Nyọnọ mme ubuene esie udia ẹyụhọ.+
16 Nyesịne mme oku esie edinyan̄a ke idem;+
Mbon oro ẹsọn̄ọde ẹda ye enye iditreke ndisio n̄kpo idara.
17 Do ke ndinam nnụk David ọkọri.+
Mmodomo utuenikan̄ nnọ owo emi ami nyetde aran.+
18 Nyada bụt nsịne mme asua esie ke idem;+
Edi anyanya+ emi enye ayarade eyesem.”+