1 Samuel

24 Edikem ke ndondo oro Saul ọnyọn̄de ndibịne mbon Philistia+ edi, ẹdi ẹditịn̄ ẹnọ enye, ẹte: “Sese! David mmọdo ke wilderness En-gedi.”+

2 Ndien Saul ada owo tọsịn ita oro ẹmekde+ ke otu ofụri Israel akasan̄a oyom David+ ye ikọt esie ke ikpọ itiat emi mme ebot ikpọ obot+ ẹdụn̄de. 3 Ekem enye edisịm mme ufọkerọn̄ emi ẹdade itiat ẹkọk ke usụn̄, emi abaitiat kiet odude. Ntre Saul ebe odụk ndiken̄ idem,+ ke adan̄aemi David ye ikọt esie ẹtiede ke abaitiat+ oro ke edem edem n̄kan̄ eken. 4 Ndien ikọt David ẹdọhọ enye ẹte: “Mfịn edi usen emi Jehovah ọdọhọde fi ete, ‘Sese! Mmada asua fo nsịn fi ke ubọk,+ mmọdo nam ye enye se ifọnde fi ke enyịn.’”+ Ntre David ọn̄wọn adaha ekesịbe utọn̄ isọn̄ anana-ubọk kod Saul. 5 Ekem esịt obiom+ David ke ntak emi enye ekesịbede utọn̄ isọn̄ anana-ubọk kod Saul. 6 Ntem enye ọdọhọ ikọt esie ete: “Nsa mi-o! Koro ifọnke Jehovah ke enyịn ami ndinam n̄kpọ emi ye ọbọn̄ mi, kpa enye emi Jehovah eyetde aran,+ ke ndinyan ubọk mi ntụk enye, koro enye edi enye emi Jehovah eyetde aran.”+ 7 Ntem, David ada ikọ emi anam ikọt esie ẹdaha, inyụn̄ iyakke mmọ ẹdaha ẹda ẹn̄wana ye Saul.+ Ndien Saul ọwọrọ ke abaitiat oro asan̄a adaha.

8 Ekem David ọwọrọ ke abaitiat oro ofiori okot Saul, ete: “Ọbọn̄+ mi, edidem!” Ntem Saul ọwọn̄ọde ese edem, David onyụn̄ ọduọ ekịbi iso ke isọn̄.+ 9 Ndien David ọdọhọ Saul ete: “Nso inam afo akpan̄de utọn̄ okop ikọ owo,+ emi ẹdọhọde ẹte, ‘Sese! David ke oyom ndinam fi idiọk’? 10 Mmọdo afo omokụt nte Jehovah adade fi mfịn emi esịn mi ke ubọk ke abaitiat emi; owo ama ọdọhọ ete n̄wot+ fi, edi mma ntua fi mbọm nnyụn̄ ndọhọ nte, ‘Ami ndinyanke ubọk mi ntụk ọbọn̄ mi, koro enye edide enye emi Jehovah eyetde aran.’+ 11 O ete+ mi, sese, ih, sese isọn̄ anana-ubọk kod fo mi ke ubọk mi, koro mmen̄kowotke fi ke ini n̄kesịbede enye. Kụt nyụn̄ fiọk ete ke ami nduakke ndinam fi ibak,+ nsọn̄ke ibuot ye afo, nnyụn̄ nnamke fi idiọk, ke adan̄aemi afo edịbede ebet ndida ukpọn̄ mi.+ 12 Yak Jehovah ekpe ikpe ke ufọt mi ye afo;+ yak Jehovah onyụn̄ osio fi usiene+ ke se afo anamde mi, edi ubọk mi iditụkke fi.+ 13 Edi kpa nte n̄ke eset ọdọhọde ete, ‘Idiọkido oto mme idiọkowo,’+ edi ubọk mi iditụkke fi. 14 Anie ke edidem Israel ebebịne? Afo ebịne anie? Nte afo ebịne okpo ebua?+ Nte afo ebịne idan̄ ebua?+ 15 Jehovah edi ebiereikpe, enye eyekpe ikpe ke ufọt mi ye afo, enye eyetịn̄ ikọ ke ibuot mi onyụn̄ ekpe ikpe+ osio mi ke ubọk fo.”

16 Edikem ke ndondo oro David okụrede nditịn̄ ikọ emi ye Saul, Saul ọdọhọ enye ete: “David, eyen mi, nte uyo fo edi oro?”+ Ndien Saul emenede uyo atua eyet.+ 17 Ekem enye ọdọhọ David ete: “Afo emenen akan mi,+ koro edi afo anam mi eti n̄kpọ,+ edi ami nda idiọk nsio fi usiene eti. 18 Afo omonyụn̄ etịn̄ eti n̄kpọ emi afo anamde ye ami mfịn emi, ke emi Jehovah ayakde mi esịn fi ke ubọk,+ edi afo uwotke mi. 19 Ndien, edieke owo okụtde asua esie, nte enye akpayak enye ọnyọn̄ ke ifụre?+ Mmọdo, Jehovah ọyọnọ fi eti utịp,+ koro afo anamde n̄kpọ emi ye ami mfịn emi. 20 Ndien, ke emi, sese! ami mmetịm mfiọk ke afo udûtreke ndikara nte edidem,+ ye nte ke obio ubọn̄ Israel eyebịghi ke ubọk fo. 21 Mmọdo, tomo enyịn̄ Jehovah+ nọ mi ete ke afo udusịbeke mfri mi ufep ye nte ke afo udusọhike enyịn̄ mi ufep ke ufọk ete mi.”+ 22 Ntem David ọn̄wọn̄ọ ọnọ Saul, ekem Saul ọnyọn̄ ufọk esie.+ Edi David ye ikọt esie ẹdọk ẹka ebiet emi ọsọn̄de ndisịm.+

1 Samuel 24:1

Mme Itien̄wed Ufot Page

1 Samuel 24:2

Mme Itien̄wed Ufot Page

Index

1 Samuel 24:3

Mme Itien̄wed Ufot Page

1 Samuel 24:4

Mme Itien̄wed Ufot Page

1 Samuel 24:5

Mme Itien̄wed Ufot Page

Index

1 Samuel 24:6

Mme Itien̄wed Ufot Page

1 Samuel 24:7

Mme Itien̄wed Ufot Page

1 Samuel 24:8

Mme Itien̄wed Ufot Page

1 Samuel 24:9

Mme Itien̄wed Ufot Page

1 Samuel 24:10

Mme Itien̄wed Ufot Page

1 Samuel 24:11

Mme Itien̄wed Ufot Page

1 Samuel 24:12

Mme Itien̄wed Ufot Page

1 Samuel 24:13

Mme Itien̄wed Ufot Page

1 Samuel 24:14

Mme Itien̄wed Ufot Page

1 Samuel 24:15

Mme Itien̄wed Ufot Page

1 Samuel 24:16

Mme Itien̄wed Ufot Page

1 Samuel 24:17

Mme Itien̄wed Ufot Page

1 Samuel 24:18

Mme Itien̄wed Ufot Page

1 Samuel 24:19

Mme Itien̄wed Ufot Page

1 Samuel 24:20

Mme Itien̄wed Ufot Page

1 Samuel 24:21

Mme Itien̄wed Ufot Page

1 Samuel 24:22

Mme Itien̄wed Ufot Page

General