Mme Psalm

8 O Jehovah Ọbọn̄ nnyịn, enyịn̄ fo okpon didie ntem ke ofụri isọn̄,+

Afo emi ẹbụkde uku fo okon̄ akan mme heaven!+

 2 Afo amanam odudu oto inua nditọwọn̄ ye mmọ eke ẹwapde eba ọwọrọ+

Ke ntak mbon emi ẹsuade fi,+

Man afo anam asua ye owo eke osiode usiene ẹtre mme edinam mmọ.+

 3 Ke ini n̄kụtde mme heaven fo, kpa mme utom nnuenubọk fo,+

Ọfiọn̄ ye mme ntantaọfiọn̄ emi afo anamde,+

 4 Owo+ edi nso eke afo etide enye,+

Eyen owo onyụn̄ edi nso eke afo esede aban̄a enye?+

 5 Afo omonyụn̄ anam enye ekpri esisịt akan mme angel,*+

Ndien ada ubọn̄+ ye uyai ayara enye.+

 6 Afo amanam enye akara mme utom ubọk fo;+

Amada kpukpru n̄kpọ esịn enye ke idak ikpat:+

 7 Kpukpru n̄kpri ufene ye nyara enan̄,+

Ọkọrọ ye mme unam ikọt,+

 8 Mme inuen enyọn̄ ye iyak ke inyan̄,+

N̄kpọ ekededi eke asan̄ade ke inyan̄.+