Mme Psalm
Ẹnọ adausụn̄. Eke David. Ikwọ.
68 Yak Abasi adaha ke enyọn̄,+ yak mme asua esie ẹsuana,+
Ndien yak mmọ eke ẹnen̄erede ẹsua enye ẹfen̄e ke iso esie.+
2 Afo akpakam asuan mmọ nte ofụm asuande nsụn̄ikan̄;+
Nte obukpa atarade ke ikan̄,+
Yak mme idiọkowo ẹtak ke iso Abasi.+
3 Edi amaedi ndinen owo, yak mmọ ẹdara,+
Yak mmọ ẹdat esịt ke iso Abasi,+
Yak mmọ ẹnyụn̄ ẹbre ke idatesịt.+
4 Mbufo ẹkwọ ikwọ ẹnọ Abasi, ẹkwọ edinem ikwọ ẹnọ enyịn̄ esie;+
Ẹkwọ ikwọ ẹnọ Enye emi awatde ebe ke unaisọn̄ desat+
Nte Jah, emi edide enyịn̄ esie;+ ẹnyụn̄ ẹnam idara ke iso esie;
6 Abasi anam mme ikpọn̄ owo ẹdụn̄ ke ufọk;+
Enye osion̄o mbon n̄kpọkọbi anam ẹnen̄ede ẹforo.+
Edi, amaedi mbon nsọn̄ibuot, mmọ ẹdidụn̄ ke edisat isọn̄.+
9 O Abasi, afo ama anam ọkpọsọn̄ edịm edep;+
Ke ini ikọt fo ẹkekpọtde, afo ama afiak ọsọn̄ọ mmọ idem.+
13 Okposụkedi emi mbufo ẹnade ke mme ebok ntọn̄ otụn̄ikan̄ ke itienna,
Mbufo ẹyenyene mme mba ibiom emi ẹfụkde silver
Ẹnyụn̄ ẹfụkde mbuaha utouto ye awawa gold ke mme ntan̄ esie.+
15 Ikpehe Bashan+ emi etiede obot obot edi obot Abasi;+
Ikpehe Bashan emi etiede obot obot edi obot emi enyenede ediwak etịn̄e.+
16 O mbufo mme obot emi ẹnyenede ediwak etịn̄e, ntak emi mbufo ẹsịnde enyịn
Ke obot emi Abasi oyomde ndidụn̄ ke esịt?+
Jehovah oyodụn̄ do ke nsinsi.+
17 Mme chariot ekọn̄ Abasi ẹdi ediwak tọsịn ke mme itie duop, anana-ibat tọsịn.+
Jehovah omoto Sinai edi ke edisana ebiet.+
Afo amada mbuotekọn̄ ọnyọn̄;+
Afo amatan̄ irenowo nte enọ,+
Ih, mbon nsọn̄ibuot n̄ko,+ man afo odụn̄ ke otu mmọ,+ O Jah Abasi.
19 Itoro enyene Jehovah, emi obiomde mbiomo nnyịn ke usen ke usen,+
Kpa ata Abasi edinyan̄a nnyịn.+ Selah.
20 Ata Abasi edi Abasi emi anyan̄ade nnyịn;+
Ndien Jehovah kpa Akakan Ọbọn̄ Andikara+ ọmọfiọk usụn̄ ndinam owo oto n̄kpa ọwọrọ edi.+
21 Ke akpanikọ Abasi ayasuan mme asua esie ibuot mbai mbai,+
Kpa idet idet etịn̄ibuot owo ekededi eke asan̄ade ke idiọk ido esiemmọ.+
24 Mmọ ẹmekụt udịm isan̄ fo, O Abasi,+
Kpa udịm isan̄ Abasi mi, Edidem mi, emi asan̄ade odụk edisana ebiet.+
25 Mme ọkwọikwọ ẹbe iso, mme ebre ndido urụk ẹtiene mmọ ke edem;+
Mme n̄kaiferi emi ẹmiade ekọmọ ẹsịne ufọt.+
27 Ekpri Benjamin emi akarade mmọ odu do,+
Mbọn̄ Judah ye otuowo mmọ emi ẹyomode uyom,
Mbọn̄ Zebulun, mbọn̄ Naphtali.+
30 Duat unam ikọt emi odude ke mme nnyanyan̄a,+ otu nyara enan̄,+
Ye nditọ enan̄ mme idụt,* emi kiet kiet ẹdịghide mbak silver.+
Enye amasuan mme idụt emi ẹmade en̄wan.+
32 O mbufo mme obio ubọn̄ isọn̄, ẹkwọ ikwọ ẹnọ Abasi,+
Ẹkwọ edinem ikwọ ẹnọ Jehovah—Selah—