Mme Psalm

101 Ami nyọkwọ mban̄a ima-mfọnido ye ubiereikpe fo.+

Nyọkwọ edinem ikwọ nnọ fi, O Jehovah.+

 2 Nyanam n̄kpọ ke mbufiọk ye ke usụn̄ eke ananade ndudue.+

Ini ewe ke afo edidi ebịne mi?+

Nyasan̄a ke esịtufọk mi ye esịt oro ọsọn̄ọde ada.+

 3 Ami ndinịmke obukpo n̄kpọ ekededi ke iso mi.+

Mmasua edinam mbon oro ẹwahade ẹkpọn̄ usụn̄;+

Emi idọn̄ke mi.+

 4 Esịt eke akwan̄ade ọmọkpọn̄ mi;+

Mfiọkke baba idiọkn̄kpọ kiet.+

 5 Owo ekededi eke ọdọkde nsan̄a esie edidọk ke ndịbe,+

Ami nyekịbi enye inua.+

Owo ekededi eke enyenede enyịn iseri ye esịt ntan̄idem,+

Ami n̄kemeke ndiyọ enye.+

 6 Enyịn mi ke ese mbon emi ẹnamde akpanikọ ke isọn̄,+

Man mmọ ẹkpedụn̄ ye ami.+

Owo eke usụn̄ esie ọfọnde ama,+

Enye edisan̄a utom ọnọ mi.+

 7 Owo eke anamde abian̄a ididụn̄ke ke ufọk mi.+

Amaedi owo ekededi eke osude nsu, enye idisọn̄ọke ida+

Ke iso mi.+

 8 Kpukpru usenubọk ami nyosobo mme idiọkowo ke isọn̄ mfep,+

Nsịbe kpukpru mbon ibak+ mfep ke obio+ Jehovah.