Mme Psalm
Ikwọ David, ndida nti.
3 Baba itie kiet eke ọfọnde idụhe mi ke idem ke ntak ufen fo.+
Mme ọkpọ mi inyeneke ifụre ke ntak idiọkn̄kpọ mi.+
5 Mme inia mi ẹmetebe, mmọ ẹmedụk imịn,
Ke ntak ndisịme mi.+
7 Koro ufiop ọyọhọde mi ke isịn,
Ndien baba itie kiet eke ọfọnde idụhe mi ke idem.+
8 Ibikpai omodoro mi, mmonyụn̄ nnuaha mbe nde;
Mmokụni ke ntak mmụm esịt mi.+
9 O Jehovah, kpukpru se idọn̄de mi ẹdu fi ke iso,
Eseme mi inyụn̄ idịbeke fi.+
10 Mmokop ọkpọsọn̄ iduọesịt, odudu mi onyụn̄ okụre,
Ndien un̄wana n̄ko idụhe mi ke enyịn.+
11 Amaedi mbon ima mi ye mme nsan̄a mi, mmọ ẹda nsannsan ẹkpọn̄ mi ke udọn̄ọ mi,+
Mme ọdiọn̄ọ mi ẹnyụn̄ ẹda nsannsan.+
12 Edi mbon oro ẹyomde ukpọn̄ mi ẹmekọk afia,+
Mbon oro ẹnyụn̄ ẹyomde ndinam nnanenyịn esịm mi ẹmetịn̄ ẹban̄a nnama,+
Ẹnyụn̄ ẹtịn̄ ikọ abian̄a ofụri usen.+
14 Ndien ami n̄kabade mbiet owo emi mîkopke ikọ,
Mfan̄a inyụn̄ idụhe mi ke inua.
16 Koro n̄kọdọhọ nte: “Afo mûyereke, mmọ ẹyedat esịt ẹban̄a mi;+
19 Ndien mme asua mi ẹkop odudu ẹnyụn̄ ẹnyene uko,+
Mbon oro ẹnyụn̄ ẹsuade mi ke unana ntak ẹkabade ẹwak.+
21 Kûkpọn̄ mi, O Jehovah.
O Abasi mi, kûda nsannsan ukpọn̄ mi.+