Ikwọ Mmọ emi Ẹdọkde.
120 Ami n̄keseme n̄kot Jehovah ke nnanenyịn mi,+
Ndien enye eyere mi.+
2 O Jehovah, nyan̄a ukpọn̄ mi sio ke n̄kpọkinua nsu,+
Ye ke edeme abian̄a.+
3 Nso ke owo edinọ fi, nso ke owo edinyụn̄ adian ọnọ fi,
O afo edeme abian̄a?+
4 Idan̄ ọkpọsọn̄ owo emi ẹsọide ọsọp,+
Ye mbubek ikan̄ ke mme eto ndiyan̄.+
5 Mbọm mi, koro ndụn̄de nte esenowo ke Meshech!+
Ndụn̄ n̄kpere mme tent Kedar.+
6 Ukpọn̄ mi odụn̄ ebịghi akaha+
Ye mbon oro ẹsuade emem.+
7 Ami nyom emem;+ edi ke ini ntịn̄de ikọ,
Mmọ ẹyom ekọn̄.+