Mme Psalm
Ẹnọ adausụn̄. Eke nditọ Korah.+ Maskil.
44 O Abasi, nnyịn imokop ke utọn̄ nnyịn,
Mme ete ete nnyịn ẹmebụk ẹnọ nnyịn+
Ẹban̄a edinam emi afo akanamde ke mme usen mmọ,+
Ke eyo oko.+
2 Afo akada ubọk fo ebịn mme idụt efep,+
Onyụn̄ emen mme ete ete nnyịn enịm ke itie mmọ.+
Afo ama anuak mme idụt onyụn̄ ebịn mmọ efep.+
3 Koro idịghe akan̄kan̄ mmọ ke mmọ ẹkeda ẹbọ isọn̄ oro ẹnyene,+
Inyụn̄ idịghe ubọk mmọ akada edinyan̄a ọsọk mmọ.+
Edi ekedi ubọk nnasia fo ye odudu fo+ ye un̄wana iso fo,
Koro afo ekenemde esịt ye mmọ.+
7 Koro edi afo akanyan̄a nnyịn osio mme asua nnyịn ke ubọk,+
Afo okonyụn̄ anam mmọ eke ẹnen̄erede ẹsua nnyịn ẹdia bụt.+
9 Edi, ke emi, afo omotop nnyịn ọduọk onyụn̄ esuene nnyịn,+
Afo unyụn̄ usan̄ake ye udịmekọn̄ nnyịn uwọrọ.+
10 Afo amanam nnyịn ifen̄e ke iso mme asua,+
Ndien mmọ eke ẹnen̄erede ẹsua nnyịn ẹmetan̄ mbụme ẹnọ idemmọ.+
11 Afo amasana nnyịn ayak ọnọ nte erọn̄, nte se ẹtade,+
Afo omonyụn̄ asuan nnyịn ọdọn̄ ke otu mme idụt.+
12 Afo anyam ikọt fo ke ata mmemurua,+
Ekọmurua mmọ inyụn̄ inamke fi oforo.
13 Afo enịm nnyịn nte n̄kpọ esuene ọnọ mme mbọhọidụn̄ nnyịn,+
Nte n̄kpọ imam ye nsahi ọnọ kpukpru mbon oro ẹkande nnyịn ẹkụk.+
15 Esuene mi odu mi ke iso kpukpru usen,
Bụt onyụn̄ ofụk mi iso,+
16 Ke ntak uyo andisuene emi etịn̄de ikọ isụn̄i,
Ke ntak asua ye owo emi osiode usiene.+
20 Edieke nnyịn ifrede enyịn̄ Abasi nnyịn,
M̀mê itatde ekaubọk nnyịn inọ esen abasi,+
22 Edi ẹwot nnyịn ofụri usen ke ntak fo;
Ẹbat nnyịn nte erọn̄ eke ẹdade ẹka ndiwot.+
24 Ntak emi afo edịpde iso fo?
Ntak emi afo efrede ukụt nnyịn ye ufịk nnyịn?+
25 Koro ukpọn̄ nnyịn onụhọde ke ntan;+
Idịbi nnyịn amadiana ke isọn̄.