Dara Uwem ke Isọn̄ ke Nsinsi!
Ẹmịn̄ ekpri n̄wed emi man ẹn̄wam fi ndifiọk enyeemi akanamde isọn̄ ye kpukpru se idude ke esịt. Afo eyekpep nte ke Abasi, emi akanamde isọn̄, ênyene enyịn̄. Mi nnyịn iyenam an̄wan̄a n̄ko ntak emi Abasi akanamde owo ye nte afo ekemede ndidara uwem ke isọn̄ ke nsinsi.
Nnyịn imodori enyịn nte ke ediwak ndise emi ẹyen̄wam ndinam mme n̄kpọ emi ẹn̄wan̄a fi akan. Man ọbọ n̄kponn̄kan ufọn, afo ekpenyene ndikot mme itie Bible oro ẹsiakde ke utịt ekese ndise. Ke usụn̄ emi, afo eyekot ke idemfo aban̄a ndusụk nti un̄wọn̄ọ Abasi oro ẹdude ke Bible ye se Abasi ọdọhọde ke afo ekpenyene ndinam man ọbọ edisu mme un̄wọn̄ọ emi.
Afo n̄ko emekeme ndiyom ndida ekpri n̄wed emi ndin̄wam mbon efen. Edieke enyenede nditọ, emekeme ndida enye ndin̄wam mmọ ẹkpep ẹban̄a Abasi. Edieke afo odụn̄de ke idụt oro ediwak ikpọ owo mîkemeke ndikot n̄wed, emekeme ndida mme ndise emi ndin̄wam mmọ ẹfiọk mme un̄wọn̄ọ Abasi man mmọ, nde, ẹkeme ndin̄wam mme mbọhọidụn̄ mmọ.
Nnyịn imotịm idori enyịn ite ke edikpep ntọt emi eyeberede usụn̄ ọnọ fi ndibọ ediwak edidiọn̄, idem ndiwụt mmọ efen nte ẹkemede ndidu uwem ke nsinsi mi ke isọn̄.