Ntak Emi Owo Ẹsikpade?

8 Jehovah Abasi okoyom owo anam ofụri isọn̄ eye—edi paradise ọnọ kpukpru owo ndidara.—Genesis 1:28

Owo okpokodu uwem ke nsinsi, ke Adam ye Eve ẹkpekekopde uyo Jehovah. Ẹma ẹdọhọ mmọ ẹte ẹkûdia eto ifiọk eti ye idiọk.—Genesis 2:15-17

9 Angel kiet akakabade ọdiọk onyụn̄ ada urụkikọt ndinam Eve ye Adam ẹtụt utọn̄ ye Abasi.—Genesis 3:1-6

10 Ẹkekabade ẹkot angel oro akabian̄ade Eve ‘akani urụkikọt, Devil ye Satan.’—Ediyarade 12:9

11 Jehovah ama ebịn mme otụtutọn̄ owo iba oro efep ke paradise.—Genesis 3:23, 24

12 Adam ye Eve ẹma ẹnyene nditọ, edi ofụri ubon oro ikokopke inemesịt.—Genesis 3:17, 18

13 Mmọ ẹkenyene ndikọri nsọn̄, nnyụn̄ n̄kpa nte Jehovah ọkọdọhọde.—Genesis 3:19; N̄wed Mbon Rome 5:12

14 Ntre mmọ ẹma ẹkpa kpa nte mme unam.

Kpukpru ukpọn̄ ke isọn̄ ẹma ẹkpa.—Ecclesiastes 3:18-20; Ezekiel 18:4