Mme Ntịn̄nnịm Uwụtn̄kpọ ye Editịn̄ Oro Ẹketịn̄de Ẹban̄a Mme Owo Ẹmi Ẹdude Uwem Kemi Ẹmi Ẹdidade Ikpehe Obio Ubọn̄ Abasi eke Isọn̄ Inyene
Mme otu m̀mê mme owo ẹmi ẹtienede mi ẹkeda ẹban̄a mmọ:
(1) Nditọiren Noah ye iban mmọ (Genesis 6-9).
(2) Lot ye nditọiban esie (Genesis 19).
(3) Nditọete Joseph duop ẹmi ẹkekabarede esịt (Genesis 37, 42-45).
(4) Nditọ Egypt ẹmi biọn̄ akanamde ẹnyam idemmọ ẹnọ Joseph (Genesis 41; 47:13-26).
(5) Mbuaha udịm owo ẹmi ẹkesan̄ade ye Israel ẹwọn̄ọ ke Egypt (Exodus 12:38).
(6) Esien Israel 12 ẹmi mîkotoho esien Levi ke Usen Usio-Isop (Leviticus 16; Matthew 19:28).
(7) Mme odudụn̄ ke Israel (Leviticus 19:34).
(8) Hobab ukot Moses (Numbers 10:29-32).
(9) Rahab eke Jericho (Joshua 2, 6).
(10) Mme Gibeonite ẹmi ẹkenamde emem ye Israel (Joshua 9, 10).
(11) Jael n̄wan Heber Kenite (Judges 4, 5).
(12) Jonathan eyen Edidem Saul (1 Samuel 18; 23:16, 17).
(13) Isenowo ẹmi ẹketienede David ẹn̄wana ekọn̄ (2 Samuel 15:18-22).
(14) Ọbọn̄-an̄wan Sheba (1 Ndidem 10).
(15) Naaman emi ẹkenamde akpamfia asana (2 Ndidem 5).
(16) Jehonadab eyen Rechab (2 Ndidem 10:15-28).
(17) Isenowo ẹmi ẹkebọn̄de akam ke temple Jehovah (2 Chronicles 6:32, 33).
(18) Mme Nethinim ye nditọ ikọt Solomon ẹmi mîkedịghe nditọ Israel (Ezra 2, 8).
(19) Mme Rechabite (Jeremiah 35).
(20) Ebed-melech owo Ethiopia (Jeremiah 38; 39:16-18).
(21) Mbon Nineveh ẹmi ẹkekabarede esịt (Jonah 3).
Adianade do, ẹma ẹtịn̄ ẹban̄a ke prọfesi nte etienede mi:
(1) Kpukpru orụk ererimbot ẹmi ẹbọde edidiọn̄ otode Abraham ebe ke mfri esie (Genesis 12:3; 22:18).
(2) Mme idụt ẹmi ẹdatde esịt ye ikọt Jehovah (Deuteronomy 32:43).
(3) Nti owo, mmọemi ẹdoride enyịn ke Jehovah (Psalm 37:9, 29).
(4) Nsan̄a n̄wanndọ ẹmi mîsabakede idem (Psalm 45:14).
(5) Mbon edinen ido ye mmọ eke ẹfọnde ẹma (Mme N̄ke 2:21).
(6) Mme idụt ẹmi ẹbọde ukpep ke ufọk Jehovah ẹnyụn̄ ẹsan̄ade ke mme usụn̄ esie (Isaiah 2:2-4).
(7) Mme idụt ẹmi ẹwọn̄ọrede ẹtiene Idiọn̄ọ ẹkeyom ntọt (Isaiah 11:10).
(8) Mme idụt ẹmi ẹtode ke ekịm ẹwọn̄ọ (Isaiah 49:6, 9, 10).
(9) Mme idụt ẹmi owo mîkọfiọkke ke mbemiso (Isaiah 55:5).
(10) Isenowo ẹmi ẹnamde n̄kpọ Jehovah ẹnyụn̄ ẹmade enyịn̄ esie (Isaiah 56:6).
(11) “Inyene inyan̄,” “odudu mme idụt,” kpa mmọemi ‘ẹfede nte ibiom ke obubịt enyọn̄’ (Isaiah 60:5, 6, 8).
(12) Mbon isen idụt ẹmi ẹbọkde otuerọn̄ Israel, isenowo ẹmi ẹdide mme ọtọ-in̄wan̄ ye mme ọdiọn̄ vine esie (Isaiah 61:5).
(13) Mmọemi eren oro ọkọn̄ọde ekpeme ewetn̄wed onịmde idiọn̄ọ ke ọkpọiso (Ezekiel 9).
(14) Mme owo ẹmi ẹsemede ẹkot Jehovah ẹnyụn̄ ẹbọhọde ke usen esie emi enyenede ndịk (Joel 2:32).
(15) Se kpukpru mme idụt ẹyomde (Haggai 2:7).
(16) Mme idụt ẹmi ‘ẹdiande idemmọ ye Jehovah’ (Zechariah 2:11).
(17) ‘Owo duop ẹmi ẹmụmde eyen Judah kiet utọn̄ ọfọn̄idem’ (Zechariah 8:23).
(18) Mme idụt ẹmi Edidem atan̄ade emem ọnọ (Zechariah 9:10).
(19) “Mme erọn̄” ẹmi ẹfọnde mfọn ye nditọete Edidem (Matthew 25:31-46).
(20) Idiọk udọ emi akakabarede esịt (Luke 15:11-32).
(21) “Mme erọn̄ en̄wen” ẹmi ẹkopde uyo Eti Ekpemerọn̄ (John 10:16).
(22) Mme owo ẹmi ẹbuọtde idem ye Christ mîdinyụn̄ ‘ikpaha ke nsinsi’ (John 11:26).
(23) Edibotn̄kpọ emi ẹnyan̄ade ẹsio ke itie ufụn mbiara ẹnyụn̄ ẹnyenede ubọn̄ ubọn̄ ubọhọ-ufụn nditọ Abasi (Rome 8:20, 21).
(24) Mbon ererimbot ẹmi ẹnyenede nsinsi uwem koro ẹwụtde mbuọtidem ke Eyen Abasi (1 John 2:2; John 3:16, 36).
(25) “Akwa otuowo” ẹmi ẹnamde utom uwemeyo ye okoneyo ke temple Jehovah (Ediyarade 7:9-17).
(26) Owo ekededi eke ọn̄wọn̄de mmọn̄ uwem enye ke idemesie onyụn̄ ọdọhọde mbon en̄wen ete, “Di.” (Ediyarade 22:17).
Mbon oro ẹsiakde ke enyọn̄ emi ẹdi sụk mbon ẹmi ẹnemede m̀mê ẹtịn̄de ẹban̄a ke n̄wed emi.