Printed Edition

Ikwọ 114

N̄wed Abasi Edi N̄kpọuto

(Mme N̄ke 2:1)

1. Odu n̄wed emi uwak ikọn̄ esie,

Ọnọde ’wo emem y’idorenyịn.

Ikọ esie enyene akwa ’dudu;

Anam mme akpan̄kpa ẹnyen’uwem.

N̄wed oro edi Edisana Bible.

Jah ọkọnọ mm’owo spirit ndiwet,

Mm’owo emi ẹmade Jah Jehovah,

Edisana spirit akan̄wam mmọ.

2. Mmọ ẹwet mbụk edibotn̄kpọ Abasi,

Nt’enye ’kanamde ekondo emi.

Ẹnyụn̄ ẹtịn̄ nt’owo ọkọfọnde ’ma

Nte Paradise esie mîdụh’aba.

Mmọ ẹtịn̄ n̄ko ẹban̄a angel emi

Akamiade ata ye Abasi.

Ata oro ’sụn̄ọ k’idiọkn̄kpọ ye n̄kpa,

Edi edikan Jah ’yọsọp edi.

3. Nnyịn idu mfịn k’ini akwa idara.

Christ Jesus akara k’Obio Ubọn̄.

Usen emi ke Jehovah anyan̄a

Mme anditiene enye k’ofr’esịt.

Ẹkụt inem mbụk emi ke n̄wed esie;

Enye edi udia eke spirit.

Ọnọ emem akande ifiọk owo;

Oyom nnyịn ikot n̄kpọuto emi.

(Se n̄ko 2 Tim. 3:16; 2 Pet. 1:21.)