Anie ke Jesus Ekedi?

Jehovah ama ọdọn̄ Jesus edi isọn̄. 1 John 4:9

Edieke iyomde ndinem Jehovah esịt ana ikop uyo inọ ata akpan owo en̄wen. Anyan ini mbemiso okobotde Adam, Jehovah ama obot okopodudu owo eke spirit ke heaven.

Nte ini akakade, Jehovah ama anam Mary, kpa eyenan̄wan emi mîkọfiọkke erenowo, emi okodụn̄de ke Bethlehem, aman enye. Ẹkesio eyen oro enyịn̄ Jesus.—John 6:38.

Ke ini Jesus ekedide owo ke isọn̄, enye akanam n̄kpọ ata ukem ukem nte Abasi akpanamde. Enye ama ọfọn ido, ama mme owo, onyụn̄ edi se ẹkemede ndisan̄a n̄kpere. Enye ama ekpep mme owo akpanikọ aban̄a Jehovah uko uko.

Jesus akanam nti n̄kpọ edi ẹkesasua enye. 1 Peter 2:21-24

Mme adaiso ido ukpono ẹkesasua Jesus sia enye ama ayarade mme nsunsu ukpepn̄kpọ ye idiọk uwem mmọ.

Jesus ama esikọk mme owo udọn̄ọ onyụn̄ anam mme akpan̄kpa ẹset n̄ko.

Mme adaiso ido ukpono ẹma ẹnyịk mbon Rome ẹte ẹmia ẹnyụn̄ ẹwot Jesus.