Se Ẹwetde Ẹnọ Mme Ete ye Eka

Nso idi mfọnn̄kan enọ emi mbufo ẹkemede ndinọ nditọ mbufo? N̄kpọ emi nditọ mbufo ẹyomde ẹwawak; emi esịne mbufo ndima mmọ, ndinọ mmọ ndausụn̄, ye ndikpeme mmọ. Edi akakan enọ emi mbufo ẹkemede ndinọ mmọ edi ndinam mmọ ẹfiọk Jehovah ẹnyụn̄ ẹfiọk akpanikọ emi odude ke Ikọ esie, kpa Bible. (John 17:3) Utọ ifiọk emi ayan̄wam nditọ mbufo ẹtọn̄ọ ke nsek ẹma Jehovah ẹnyụn̄ ẹnam n̄kpọ esie ke ofụri esịt nte mmọ ẹkọride.—Matthew 21:16.

Ediwak mme ete ye eka ẹkụt ke nditọwọn̄ ẹsinen̄ede ẹma ẹkpep mmọ n̄kpọ n̄kpri n̄kpri ẹnyụn̄ ẹnọ mmọ n̄kpri n̄kpri n̄kpọ ẹnam. Ntem, imokop inemesịt ndisio n̄wed emi, Ukpepn̄kpọ N̄kpri Nditọ. Ẹtịm ukpepn̄kpọ kiet kiet man ẹda ẹkpep nditọwọn̄ n̄kpọ ke ata mmemmem usụn̄. Ẹtịm mme ndise ye mme ikọ oro ẹwetde ẹdian ndise akpan akpan ẹnọ nditọ emi mîbehe isua ita. Ẹsịn n̄ko se ẹkpenamde. Ukpepn̄kpọ N̄kpri Nditọ idịghe n̄wed mbre nditọwọn̄. Utu ke oro, ẹtịm enye man ẹkot ye nditọ mbufo, man emi anam mbufo ẹkeme ndisinyene nneme ye mmọ.

Nnyịn imenịm ke n̄wed emi ayan̄wam mbufo ẹkpep nditọ mbufo akpanikọ Bible “toto ke nsek.”—2 Timothy 3:14, 15.

Nditọete mbufo,

Otu Ukara Mme Ntiense Jehovah

[Ndise ke page 3]