Ndọ

Itie Bible oro edin̄wamde fi:

• Ge 24:1-4, 7​—Kpa ye emi Abraham ama ọkọsọn̄, enye ama ebiere ndiyom n̄wan ke otu mbon emi ẹkponode Jehovah nnọ Isaac eyen esie ọdọ utu ke ndiyom ke otu mbon Canaan emi ẹkekponode mme nsunsu abasi

• Ge 28:1-4​—Isaac ama ọdọhọ Jacob eyen esie ọkọdọ n̄wan ke otu nditọiban emi ẹmade Jehovah okûdọ ke otu mbon Canaan

Itie Bible oro edin̄wamde fi:

• 1Nd 11:1-6, 9-11​—Jehovah ama ayat esịt ye Edidem Solomon ini enye ọkọsọn̄de ibuot ọkọdọ iban isenidụt onyụn̄ etienede iban emi okpono mme nsunsu abasi

• Ne 13:23-27​—Ukem nte Jehovah, Nehemiah ama ayat esịt ye ndusụk nditọ Israel, asua ọnọ mmọ onyụn̄ ọnọ mmọ ufen ke ntak emi mmọ ẹkedọde iban isenidụt emi mîkokponoke Jehovah

Itie Bible oro edin̄wamde fi:

• 1Sa 25:2, 3, 14-17​—Nabal ekedi imọ owo, edi enye ama ọsọn̄ ido onyụn̄ ọdiọk uwem ikonyụn̄ idịghe eti ebe inọ Abigail

• N̄ke 21:9​—Edieke nnyịn mîtịmke imek owo emi ididọde, nnyịn idikopke inemesịt idinyụn̄ idụhe ke emem

• Ro 7:2​—Apostle Paul ọkọdọhọ ke ini n̄wan ọdọde ndọ, ke enye odu ke idak ebe esie. Ntre n̄wan enyene ndinen̄ede n̄kpeme man ọdiọn̄ọ utọ owo emi enye enyịmede ndọ

Itie Bible oro edin̄wamde fi:

• N̄ke 24:27​—Mbemiso erenowo ọdọde n̄wan onyụn̄ enyenede nditọ, ana enye esịn idem anam utom man ese aban̄a mbonufọk esie

Itie Bible oro edin̄wamde fi:

• Ru 2:4-7, 10-12​—Boaz ama enen̄ede ọdiọn̄ọ utọ owo emi Ruth ekedide ini enye akakpan̄de utọn̄ okop se mbon en̄wen ẹtịn̄de ẹban̄a Ruth, ini enye okokụtde nte Ruth esịnde idem anam utom, esede aban̄a eka ebe esie, onyụn̄ amade Jehovah

• Ru 2:8, 9, 20​—Ruth ama enen̄ede ọdiọn̄ọ Boaz ini enye okokụtde ke enye ọfọn ido, esinọ owo n̄kpọ onyụn̄ ama Jehovah

Itie Bible oro edin̄wamde fi:

• N̄ke 5:18, 19​—Enyene ndusụk n̄kpọ emi n̄wan ye ebe ẹsinamde ndida n̄wụt ke imama kiet eken emi mbon emi ẹyomde ndidọ ndọ mîdinamke tutu mmọ ẹdọ ndọ

• Ikwọ 1:2; 2:6​—Ke ini ekpemerọn̄ ye eyenan̄wan Shunem ẹkeyomde ndidọ kiet eken, mmọ ẹma ẹsitịn̄ ndinem ikọ ima ye kiet eken edi mme ikọ oro ikedịghe oburobụt ikọ

• Ikwọ 4:12; 8:8-10​—Eyenan̄wan Shunem ekedi eti eyen, enye ikasabakede idem. Enye eketie nte in̄wan̄ emi ẹsịnde ọkọ ẹkanade

Itie Bible oro edin̄wamde fi:

• Ge 21:8-12​—Jehovah ama ọdọhọ Abraham okop uyo Sarah an̄wan esie kpa ye emi se enye eketịn̄de mîkenemke enye

• N̄ke 31:10, 11, 16, 28​—Eti ebe emi ọdọde eti an̄wan isitiehe ukara ukara ye n̄wan esie m̀mê ndiyom ndudue nnọ n̄wan esie. Utu ke oro, enye esinyene mbuọtidem ke idem esie esinyụn̄ otoro enye ke se enye anamde ọfọn

• Eph 5:33​—Ikọ apostle Paul ke itie N̄wed Abasi emi owụt ke iban ẹsinen̄ede ẹyom mme ebe mmọ ẹma mmọ

Itie Bible oro edin̄wamde fi:

• N̄ke 1:8; 1Co 7:4​—Abasi ọnọ ibanndọ ye mme eka se anade mmọ ẹtiene ẹnam ke ubon

• 1Co 11:3​—Apostle Paul ama etịn̄ ke kpukpru owo ẹnyene owo emi edide ibuot ọnọ mmọ; Abasi ikpọn̄ mînyeneke owo emi edide ibuot ọnọ enye

• Heb 13:7, 17​—Abasi oyom irenowo ye iban ẹkop uyo ẹnyụn̄ ẹsụk ibuot ẹnọ mbon emi ẹdade usụn̄ ke esop esie

Itie Bible oro edin̄wamde fi:

• Ge 18:12; 1Pe 3:5, 6​—Sarah ama enen̄ede okpono ebe esie esinyụn̄ okot enye “ọbọn̄” idem ke esịt esie.

Itie Bible oro edin̄wamde fi:

• Ge 24:62-67​—Rebekah ama anam Isaac ebe esie okop ndọn̄esịt ke eka esie ama akakpa

• 1Sa 25:14-24, 32-38​—Abigail ama osụhọde idem ekpe David ubọk mbak enye edinam ebe esie ye mbonufọk esie n̄kpọ

• Es 4:6-17; 5:1-8; 7:1-6; 8:3-6​—Esther ọbọn̄-an̄wan ama anam se ikpakadade enye ibuot. Enye ama odụk ofụri ikaba aka iso ebe esie emi ekedide edidem ke ini ebe esie mîkokotke enye, ekekpe ubọk ọdọhọ ẹnyan̄a ikọt Abasi