Nte Eyen Fo Enyene San̄asan̄a Etịbe?

KE NDINAM n̄kpri nditọ mmọ ẹnyene udọn̄ ndikpep n̄kpọ, mme ete ye eka oro ẹnyenede ifiọk ẹsinọ mmọ nti n̄wed. Ke uwụtn̄kpọ, ediwak mmọ ẹsikụt ẹte ke nditọ mmimọ ẹnyene san̄asan̄a etịbe Enyọn̄-Ukpeme eke n̄wedmbụk Bible, emi ẹsikamade nte n̄wed uda nnyene nneme Bible ke urua ke urua ke ukpepn̄kpọ Mme Ntiense Jehovah. Edi ẹkpenọ eyenọwọn̄ san̄asan̄a etịbe ke ewe isua emana?

Ke ntọn̄ọ ntọn̄ọ isua 1987, ẹma ẹbọ leta emi ẹto eka kiet: “Etịbe emi enyene eyeneren nnyịn emi edide isua iba ke emana. Ke ini Ukpepn̄kpọ Enyọn̄-Ukpeme, ana enye akama eke esiemmọ. Mma nsin̄wana ndinọ enye nsiondi efen ke ini nnyịn mîsinyeneke en̄wen, edi enye eyekụt ete ke mme ndise oro isan̄ake ukem, ndien enye ama esiyom nsiondi oro nnyịn ikamade. Mmọnịm nte ke ndiye ndise oro ẹsidat idem ekpri eyenọwọn̄ esịt n̄ko eyenyụn̄ an̄wam enye ndibak n̄wụt esịtekọm nnọ udia eke spirit emi mîn̄wan̄ake enye kan̄a.”

Ntak mûnamke nditọ fo kiet kiet ẹnyene san̄asan̄a etịbe Enyọn̄-Ukpeme idemmọ?

Edieke afo oyomde ntọt ke nte afo ekemede ndibọ etịbe Enyọn̄-Ukpeme, wet n̄kpọ yọhọ nyụn̄ nọ babru emi etienede mi edi.

Mbọk ẹnọ ntọt ẹsọk mi ke nte n̄kemede ndinyene etịbe Enyọn̄-Ukpeme.