Mbono Ofụri Isua October 5, 1996

MBONO OFỤRI ISUA eke mme andibuana ke Watch Tower Bible and Tract Society of Pennsylvania eyeda itie ke October 5, 1996, ke Ufọkmbono Mme Ntiense Jehovah, 2932 Kennedy Boulevard, Jersey City, New Jersey. Mme andibuana kpọt ẹyebemiso ẹnịm mbono ke n̄kanika ebe usụkkiet usenubọk, mbono ofụri isua eke ofụri ini eyetiene ke n̄kanika duop usenubọk.

Mme andibuana ke N̄ka emi ẹkpenyene nditọt Ọfis Ewetn̄wed idahaemi mban̄a ukpụhọde ekededi ke adres ubọ n̄wed ke isua emi ekebede man leta editọt ofụri ini ye n̄wed unen umek owo ye unana edidụk mbono ẹkeme ndisịm mmọ ke ọfiọn̄ July.

Ẹkpenyene ndifiak nnọ n̄wed unen umek owo oro edi, oro ẹdidiande ye ntọt aban̄ade mbono ofụri isua ẹnọ ẹsọk mme andibuana, man okposịm Ọfis Ewetn̄wed N̄ka okûbịghi akan August 1. Andibuana kiet kiet ekpenyene ndiwet n̄kpọ nyọhọ nnyụn̄ nnọ n̄wed unen umek owo esie edi usọp usọp, ewetde m̀mê enye edidụk mbono oro ke idemesie m̀mê ididụkke. Ntọt oro ẹnọde ke n̄wed unen umek owo kiet kiet ekpenyene ndidi nnennen ke afan̄ emi, sia ẹdiberide edem ke enye ke ndibiere owo emi edidụkde ke idemesie.

Ẹdori enyịn ẹte ke ofụri ikpehe edinam oro, esịnede mbono mbubehe ye mme mbụkutom, eyekụre ke n̄kanika kiet uwemeyo m̀mê esisịt ini ke oro ebede. Ikpehe edinam uwemeyo ididụhe. Ke ntak oro ufan̄ mîkponke ikem, ẹdidụk ke tiket kpọt. Owo idinamke ndutịm inọ ediyịri mbono emi ye mme itie mbono en̄wen ebe ke urụk ukopikọ.