Enyịn̄ Abasi Esịne ke Ikwọ Mbon Russia

MODEST MUSSORGSKY, ọwọrọetop eyen Russia emi esiwetde ikwọ, ama osio ikwọ oro aban̄ade se iketịbede ke mme idụt oro ẹsiakde ke Bible, ke 1877. Enye ekewet ọnọ ufan esie ete: “Mmewet n̄kpọntịbe Bible oro aban̄ade Jesus Navinus [Joshua], ata ukem ukem nte Bible obụkde, nnyụn̄ nsiak mme ebiet emi Navinus akakande ke ekọn̄ tutu esịm Canaan.” N̄ko, ke mme ikwọ efen oro Mussorgsky ekewetde, esịnede “Nsobo Sennacherib,” enye ama etịn̄ aban̄a mme owo ye se ẹnemede ke Bible.

Se ikam inen̄erede idi akpan n̄kpọ ikan edi ke ikwọ oro Mussorgsky ekewetde aban̄a “Jesus Navinus,” ọkọrọ ye “Nsobo Sennacherib” emi enye ekewetde ke 1874, enye ama esịn enyịn̄ Abasi nte mbon Russia ẹsikotde. Ẹda mme anana-uyo abisi inan̄—יהוה (YHWH)—ẹwet enyịn̄ emi ke N̄wed Abasi Usem Hebrew, ndien enye odu n̄kpọ nte utịm ike 7,000.

Ke ntre, ikwọ Mussorgsky ẹwụt ke mbon Russia ẹma ẹfiọk enyịn̄ Abasi oro odude ke Bible—Jehovah—mbemiso ntọn̄ọ isua ikie edịp. Emi etịm odot, sia Jehovah ke idemesie ọkọdọhọ Moses ete: “Emi edi enyịn̄ mi ke nsinsi, emi onyụn̄ edi se ẹdade ẹti mi ke kpukpru emana.”—Exodus 3:15.

[Ndise ke page 32]

Ebiet oro ẹkesikpepde ikwọ ke St. Petersburg ke 1913, kpa ebiet emi ẹbonde ata ediwak ikwọ Mussorgsky oro ẹkemịn̄de

[Mme ebiet ẹdade ndise ẹto ke page 32]

N̄wedikwọ: The Scientific Music Library of the Saint-Petersburg State Conservatory oro ẹkotde ẹdian N.A. Rimsky-Korsakov; itie edinam: National Library of Russia, St. Petersburg