MME MBỤME BIBLE ORO ẸBỌRỌDE
Ndi enyene ntak emi ẹkebotde isọn̄?
Ẹkenam isọn̄ emi man mme owo ẹdụn̄ ẹkop inemesịt
Nte ẹkebotde isọn̄ anam owo ye unam ye eto ẹkeme ndidu uwem. Isọn̄ enyene mmọn̄ emi ekemde kpukpru mme odu-uwem n̄kpọ. Nte isọn̄ ọwọn̄ọrede onyụn̄ asan̄ade akanade utịn isiyakke inyan̄ibom ebịt akabade ice m̀mê asat. Ofụm ye odudu maknet isọn̄ inyụn̄ iyakke idiọk uye emi otode ikpaenyọn̄ esịm nnyịn. Nte unam ye eto ẹn̄wamde kiet eken esikpa owo idem etieti. Emi anam ediwak owo ẹdọhọ ke Abasi ikobotke isọn̄ ke ikpîkpu.—Kot Isaiah 45:18.
Edi ufen ye utụk okpon etieti ke isọn̄ emi. Ntre, emekeme ndikere m̀mê nte Abasi okoyomde isọn̄ etie edi emi.—Kot Deuteronomy 32:4, 5.
Ndi isọn̄ ayafiak etie nte Abasi okoyomde enye etie?
Ẹkenam isọn̄ man mbon emi ẹkponode kiet eken ẹnyụn̄ ẹmade Andibot mmọ ẹdụn̄ ẹkop inemesịt. Emi owụt ke ntak emi ẹkebotde owo okpụhọde ye ntak emi ẹkebotde unam. Nnyịn imekeme ndidiọn̄ọ Andibot nnyịn inyụn̄ ima enye, edi unam ikemeke. Imonyụn̄ ikeme ndima se inende inyụn̄ ima mbon en̄wen kpa nte enye.—Kot Ecclesiastes 12:13; Micah 6:8.
Andibot nnyịn ekeme ndinam kpukpru se enye aduakde. Ntre imenịm ke enye eyetre ufen ye utụk onyụn̄ afiak anam isọn̄ emi eye man mme owo ẹdụn̄ ẹkop inemesịt.—Kot Psalm 37:11, 29; Isaiah 55:11.